കോട്ടയം: ഗ്രാമ-ബ്ലോക്ക്-ജില്ലാ പഞ്ചായത്ത്, മുന്സിപ്പാലിറ്റി തിരഞ്ഞെടുപ്പിനുപയോഗിക്കുന്ന ഇലക്ട്രോണിക് വോട്ടിംഗ് യന്ത്രങ്ങളുടെ വിതരണം ആരംഭിച്ചു. കാഞ്ഞിരപ്പളളി ബ്ലോക്കിലേക്കുളള വോട്ടിംഗ് യന്ത്രങ്ങളാണ് ആദ്യം വിതരണം ചെയ്തത്. 279 കണ്ട്രോള് യൂണിറ്റുകളും 837 ബാലറ്റുയൂണിറ്റുകളും അടക്കം ചെയ്ത 112 പെട്ടികളാണ് കാഞ്ഞിരപ്പളളി ജോയിന്റ് ബിഡിഒ കെ എന് അനില്കുമാര് വി ഇ ഒ പി ജി പത്മകുമാര്, ജി ഇ ഒ എസ് പ്രദീപ് എന്നിവര് ഏറ്റുവാങ്ങിയത്. ഇലക്ഷന് കമ്മീഷന്റെ മൂന്ന് എന്ജിനിയര്മാരുടെ മേല്നോട്ടത്തില് പരിശോധന പൂര്ത്തിയാക്കിയ വോട്ടിംഗ് യന്ത്രങ്ങള് തകര പെട്ടികളിലാക്കി സീല് ചെയ്താണ് വിതരണം ചെയ്തത്.
വാഴൂര്, പാമ്പാടി, ളാലം ബ്ലോക്കുകള്ക്കും വൈക്കം ചങ്ങനാശ്ശേരി മുന്സിപ്പാലിറ്റകള്ക്കും വോട്ടിംഗ് യന്ത്രങ്ങള് വിതരണം ചെയ്തു. വൈക്കം, കടുത്തുരുത്തി, ഉഴവൂര്, ഈരാറ്റുപേട്ട ബ്ലോക്കുകള്ക്കും കോട്ടയം ഈരാറ്റുപേട്ട മുന്സിപ്പാലിറ്റികള്ക്കും ഉളള വോട്ടിംഗ് യന്ത്രങ്ങള് ഇന്നും പളളം മാടപ്പളളി ഏറ്റുമാനൂര് ബ്ലോക്കുകള് പാല ഏറ്റുമാനൂര് മുന്സിപ്പാലിറ്റികള്ക്ക് നാളെയും വിതരണം ചെയ്യും. പോലീസ് സംരക്ഷണത്തോടെ സുരക്ഷിത കേന്ദ്രങ്ങളിലാണ് വോട്ടിംഗ് യന്ത്രങ്ങള് തിരഞ്ഞെടുപ്പുവരെ സുക്ഷിക്കുക. തഹിസില്ദാര് അനില് ഉമ്മന് (നോഡല് ഓഫീസര്), ഡെ. തഹസില്ദാര് ജി പ്രശാന്ത് ജി (അഡി നോഡല് ഓഫീസര്), റവന്യൂ ഇന്സ്പെക്ടര് ഇ സി ഗിരിഷ്കുമാര് എന്നിവരുടെ നേതൃത്വത്തിലാണ് വോട്ടിംഗ് യന്ത്രങ്ങളുടെ വിതരണം. തിരഞ്ഞെടുപ്പു ഫല പ്രഖ്യാപനത്തിനു ശേഷം ഡിറ്റാച്ചബില് മെമ്മറി മൊഡ്യൂള് ട്രഷറിയിലും വോട്ടിംഗ് യന്ത്രങ്ങള് അതത് പെട്ടികളിലും ക്രമീകരിച്ച് ഏറ്റുമാനൂര് വെയര്ഹൗസ് ഗോഡൗണിലും സുക്ഷിക്കും.
