കോഴിക്കോട്: സംരംഭക സമ്മേളനമായ ‘ടൈക്കോണ് കേരള’ നവംബര് 6, 7 തീയ്യതികളില് കൊച്ചി ലേ മെറിഡിയന് കണ്വന്ഷന് സെന്ററില് നടക്കും. സംരംഭകത്വം സംബന്ധിച്ച അറിവുകള് വിദ്യാര്ത്ഥികള്ക്കും യുവജനങ്ങള്ക്കും പകര്ന്നുനല്കി കൂടുതല് യുവസംരംഭകരെ വളര്ത്തിയെടുക്കുക എന്ന ലക്ഷ്യം മുന്നിര്ത്തിയാണ് ദി ഇന്ഡസ് എന്റര്പ്രണേഴ്സ് (ടൈ) കേരള ഘടകം സമ്മേളനം സംഘടിപ്പിക്കുന്നതെന്ന് ഭാരവാഹികള് വാര്ത്താസമ്മേളനത്തില് അറിയിച്ചു.
രണ്ടായിരത്തിലധികം യുവസംരംഭകരും പ്രതിനിധികളും പരിപാടിയില് പങ്കെടുക്കും. ഫെഡറല് ബാങ്കാണ്, സംസ്ഥാന വ്യവസായ വാണിജ്യ വകുപ്പിന്റെ സഹകരണത്തോടെ നടത്തുന്ന സമ്മേളനത്തിന്റെ മുഖ്യഅവതാരകര്. ‘പ്രതിസന്ധികള് തരണം ചെയ്തുകൊണ്ട് സംരംഭകത്വം’ എന്നതാണ് നാലാമത് സംരംഭക സമ്മേളനത്തിന്റെ പ്രമേയം. ബിസിനസ് പദ്ധതികള്ക്ക് രൂപം നല്കാന് സഹായിക്കുന്നതിനൊപ്പം അനുഭവ സമ്പന്നരായ നിക്ഷേപകര്ക്കും വെഞ്ച്വര് ക്യാപ്പിറ്റലിസ്റ്റുകള്ക്കും മുന്നില് അവതരിപ്പിക്കാനുള്ള അവസരമൊരുക്കുന്ന പിച്ച് ഫെസ്റ്റിവല്. ഐഡിയ എക്ചേഞ്ച് സെഷന് എന്നിവ സമ്മേളനത്തില് പ്രത്യേകതയാണ്. തിരഞ്ഞെടുത്ത നൂറോളം സംരംഭകര്ക്ക് നൂതന ആശയങ്ങളും, ഉല്പ്പന്നങ്ങളും പ്രദര്ശിപ്പിക്കാന് സൗജന്യസ്റ്റാളുകള് നല്കി അവസരമൊരുക്കുന്ന സ്റ്റാര്ട്ടപ്പ് പവലിയനാണ് സംരംഭക സമ്മേളനത്തിന്റെ പ്രധാന ആകര്ഷണം. ഉന്നതനിലവാരം പുലര്ത്തുന്ന യുവസംരംഭകര്ക്ക് ക്യാഷ് അവാര്ഡ് നല്കും. ടെറുമോ പെന്പോള്, കേരള ഗവണ്മെന്റ് സ്റ്റാര്ട്ടപ്പ് മിഷന്, കേരള ഫിനാല്ഷ്യല് കോര്പ്പറേഷന് എന്നിവയുടെ പിന്തുണയോടെയാണ് സ്റ്റാര്ട്ടപ്പ് പവലിയന് ഒരുക്കുന്നത്.
സമ്മേളനത്തിന് മുന്നോടിയായി വിവിധ ജില്ലകളിലായി റോഡ്ഷോകള് സംഘടിപ്പിക്കും.
സമ്മേളനത്തില് പങ്കെടുക്കാനാഗ്രഹിക്കുന്ന സംരംഭകര്ക്കും സ്റ്റാര്ട്ടപ്പ് കമ്പനികള്ക്കും പ്രൊഫഷണലുകള്ക്കും വിദ്യാര്ത്ഥികള്ക്കും ംംം.ശേലരീിസലൃമഹമ.ീൃഴ എന്ന വെബ്സൈറ്റില് രജിസ്റ്റര് ചെയ്യാം. ഇ-മെയില്: ശിളീ@ശേലരീിസലൃമഹമ.ീൃഴ. ഫോണ്: 9387522021. വാര്ത്താസമ്മേളനത്തില് ടൈ കേരള വൈസ് പ്രസിഡന്റ് എം എസ് എ കുമാര്, പ്രോഗ്രാംകമ്മിറ്റി ചെയര്പേഴ്സണ് രാജേഷ് നായര്, കുര്യന് എബ്രഹാം, റോഷന് കൈനടി, ദാമോദര് അവനൂര്, വി കെ സി നൗഷാദ്, കെ ചന്ദ്രശേഖരന് തുടങ്ങിയവര് പങ്കെടുത്തു.
