കോഴിക്കോട്: രൂപകല്പ്പന ചെയ്യുന്ന ഉത്പന്നങ്ങളുടെ മാതൃകയുടെ അസ്സല് രൂപം തന്നെ പ്രിന്റ് എടുക്കാവുന്ന 3ഡി പ്രിന്ര്. സ്വാശ്രയഭാരത് 2015ന്റെ ഭാഗമായി നടത്തിയ ഇന്വെന്റര്സ് മീറ്റിലാണ് കേള്വിക്കും കാഴ്ച്ചയ്ക്കും കൗതുകം നല്കുന്ന ആശയ മാതൃകകയുടെ പ്രദര്ശനം നടന്നത്. പുതിയ സാങ്കേതിക ആശയങ്ങളുടെ മത്സരത്തില് 3ഡി പ്രിന്ററിന്റെ മാതൃക ഒന്നാം സ്ഥാനം നേടി. സാന്ദ്രത കൂടി ഡിസൈന് ചെയ്യാന് സാധിക്കുന്നു വെന്നുള്ളതാണ് ഇതിന്റെ പ്രത്യേകത.
പോളിലാക്റ്റികാസിഡ് എന്ന മെറ്റീരിയല് പ്രിന്റിംങ് മെഷിനില് ഒരു പ്രത്യേക രീതിയില് ഉരുക്കി ഉപയോഗിച്ചാണ് ഇത് സാധ്യമാക്കുന്നത്.
പത്ത് സെക്കന്റുകൊണ്ട് ഈ ദ്രാവകം ഉറയ്ക്കുന്നു. കോഴിക്കോട് എന്ഐടി കോളേജിലെ വിദ്യാര്ത്ഥികളായ ജോവിന് സേവിയോ, സൗരഭ് മോഷന് കെ.എസ്, നിഹാല് അഭിഷേക് എന്നിവരാണ് ഇത്തരത്തിലൊരു കണ്ടുപിടുത്തത്തിനു പിന്നില്.
വണ് കീ എന്ന സ്മാര്ട്ട് കീ സംവിധാനത്തെ അവതരിപ്പിച്ച കോഴിക്കോട് എന്ഐഇഎല്ടി വിദ്യാര്ത്ഥിയായ ലിന്റോ തോമസ് മത്സരത്തില് രണ്ടാം സ്ഥാനം നേടി.
മറ്റൊരു ഊര്ജ സ്രോതസ്സിന്റെ സഹായമില്ലാതെ രണ്ട് യൂണിറ്റ് വൈദ്യുതി കൊണ്ട് 14 വോള്ട്ട് ഉത്പാദിപ്പിക്കുന്ന പള്സ് മോട്ടോര് ഫ്രീ ജനറേറ്റര്. അമിത വേഗത നിയന്ത്രിക്കാന് ഓവര് സ്പീഡ് അലേര്ട്ട് മെഷിന്, ബസ്സുകളിലുണ്ടാകുന്ന അപകടങ്ങല് കുറയ്ക്കാന് സ്മാര്ട്ട് ഇന്ടല് ബസ്.
ആളില്ലാ ലെവല് ക്രോസ്സില് ആളാകാന് ഓട്ടോമാറ്റിക് ലെവല് ക്രോസ്സ് തുടങ്ങി നവീനവും വ്യത്യസ്തവുമായ 24 ഓളം ആശയങ്ങളാണ് ഇന്വെന്റേര്സ് മീറ്റര് പ്രദര്ശിപ്പിക്കപ്പെട്ടത്.
കോഴിക്കോടിന് അകത്തുനിന്നും പുറത്തുനിന്നുമായി 15 കോളേജുകള് മത്സരത്തില് പങ്കെടുത്തു.
സ്വദേശീ ശാസ്ത്രപ്രസ്ഥാനവും സുഗന്ധവിളഗവേഷണ കേന്ദ്രവും ചേര്ന്നു സംഘടിപ്പിക്കുന്ന സ്വാശ്രയഭാരത് എക്സ്പോയുടെ ഭാഗമായാണ് ഇന്വെന്റേര്സ് മീറ്റും സംരംഭകത്വ സെമിനാറും സംഘടിപ്പിച്ചത്. ഒക്ടോബര് 15ന് ആരംഭിച്ച് പ്രദര്ശനം ഇന്ന് അവസാനിക്കും.
