തൊടുപുഴ: ഈമെയില് തട്ടിപ്പ് സംഘത്തിന്റെ വലയില് കുടുങ്ങി തൊടുപുഴ സ്വദേശിക്ക് നഷ്ടപെട്ടത് 45 ലക്ഷം. ഇന്ത്യയില് ആരംഭിക്കുന്ന വമ്പന് പ്രൊജക്ടിലേക്ക് വിദേശത്ത് നിന്ന് 20 കോടി രൂപ ഇന്ത്യന് ബാങ്കില് നിക്ഷേപിക്കാന് ഇവിടെയുള്ള ആരുടെയെങ്കിലും പേരില് അക്കൗണ്ട് ആരംഭിക്കണമെന്നാവശ്യപ്പെട്ടാണ് സംഘം വല വിരിച്ചത്. ഇതിന്റെ വിവിധ ആവശ്യങ്ങളിലേക്കായി 45 ലക്ഷത്തോളം രൂപ വേണമെന്ന് ആവശ്യപ്പെട്ടതിനെ തുടര്ന്നാണ് തൊടുപുഴ സ്വദേശി പണം നിക്ഷേപിച്ചത്. നിരന്തരമായി ഈമെയില് വഴിയുള്ള ആഭ്യര്ത്ഥനയെ തുടര്ന്നാണ് പണം നല്കിയത്.റിസര്വ് ബാങ്കിന്റെയും, കസ്റ്റംസിന്റെയും വ്യാജ ലെറ്റര് പാഡുകള് ഉപയോഗിച്ചാണ് കബളിപ്പിച്ചതെന്ന് തൊടുപുഴ സി ഐ ജില്സണ് മാത്യൂ പറഞ്ഞു. തൊടുപുഴ പോലീസ് കേസെടുത്ത് അന്വേഷണം ആരംഭിച്ചു. തട്ടിപ്പ് സംഘത്തില് സ്ത്രീകളും ഉള്പ്പെട്ടിട്ടുള്ളതായി പോലീസിന് വിവരം ലഭിച്ചിട്ടുണ്ട്. തൊടുപുഴ സ്വദേശി ഇ എം ജോസഫാണ് പരാതിക്കാരന്. കഴിഞ്ഞ ആഗസ്റ്റ് മുതല് ആറ് തവണയായാണ് പ്രതികള് പണം വാങ്ങിയത്. സൈബര് സെല്ലിന്റെ സഹായത്തോടെയാണ് കേസ് അന്വേഷണം പുരോഗമിക്കുന്നതെന്ന് സി.ഐ ജന്മഭൂമിയോട് പറഞ്ഞു. കോട്ടയം ജില്ലക്കാരായ ചിലരാണ് തട്ടിപ്പിന് നേതൃത്വം നല്കിതയെന്ന് വിവരം ലഭിച്ചിട്ടുണ്ടെങ്കിലും ഇത് പോലീസ് സ്ഥിരീകരിച്ചിട്ടില്ല.
ഇ-മെയില് വഴി തട്ടിപ്പ്; തൊടുപുഴ സ്വദേശിക്ക് നഷ്ടപെട്ടത് 45 ലക്ഷം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.