കണ്ണൂര്: ഭാരതം ലോക രാഷ്ട്രങ്ങളില് തിളങ്ങി നില്ക്കുകയും ഭാരതത്തിന്റെ യശസ്സ് ഉയര്ന്നു വരികയും ചെയ്യുന്ന ഘട്ടത്തില് പുറംതിരിഞ്ഞു നില്ക്കുന്ന കോണ്ഗ്രസ് സമുഹത്തിന്റെ മാറ്റങ്ങള് ഉള്ക്കൊള്ളാന് തയ്യാറാകണമെന്ന് ബിജെപി ജില്ലാ വൈസ് പ്രസിഡണ്ട് അഡ്വ.എ.വി.കേശവന് അഭിപ്രായപ്പെട്ടു. ഗുരു നിന്ദക്കെതിരെയും കമ്മ്യൂണിസ്റ്റ് അപചയം തുറന്നുകാട്ടാനുമായി ഹിന്ദു ഐക്യവേദി സംസ്ഥാന വ്യാപകമായി നടത്തിവരുന്ന പ്രചരണങ്ങളുടെ ഭാഗമായി പള്ളിക്കുന്ന് മേഖലാ കമ്മറ്റി സംഘടിപ്പിച്ച പദയാത്ര മണലില് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ചടങ്ങില് ഭക്തിസംവര്ധിനീയോഗം ഡയരക്ടര് കെ.പി.ഭാഗ്യശീലന് അധ്യക്ഷത വഹിച്ചു. 16-ാം ലോകസഭാ തെരഞ്ഞെടുപ്പിന് ശേഷം ഭാരതത്തില് വന്ന മാറ്റങ്ങള് ഉള്ക്കൊള്ളാന് തയ്യാറാവാതെ നവോത്ഥാന നായകരെയും സാംസ്കാരിക നേതാക്കളെയും അവഹേളിക്കുന്ന തരത്തിലുള്ള കമ്മ്യൂണിസ്റ്റ് പാര്ട്ടി നീക്കം തിരുത്തിയില്ലെങ്കില് ബംഗാളിന്റെ സ്ഥിതിയായിരിക്കും കേരളത്തിലും കമ്മ്യൂണിസ്റ്റ് പാര്ട്ടിക്ക് ഉണ്ടാവുകയെന്ന് കേശവന് പറഞ്ഞു. ചടങ്ങില് എസ്എന്ഡിപി റീജിയണല് ഡവലപ്മെന്റ് കമ്മറ്റി എം.കെ.വിനോദ് സംസാരിച്ചു. ഒ.കെ.സന്തോഷ് കുമാര് സ്വാഗതവും ജാഥാ നായകന് പി.മഹേഷ് നന്ദിയും പറഞ്ഞു. ജാഥ ഇന്ന് വിവിധ സ്ഥലങ്ങളിലെ പര്യടനത്തിന് ശേഷം പള്ളിക്കുന്ന് കൃഷ്ണമേനോന് കോളേജിന് സമീപം സമാപിക്കും. സമാപന സമ്മേളനത്തില് ആര്എസ്എസ് വിഭാഗ് കാര്യകാരി സദസ്യന് ഒ.രാഗേഷ്, ജില്ലാ കാര്യകാരി സദസ്യന് കെ.ബി.പ്രജില് തുടങ്ങിയവര് സംസാരിക്കും.
ഭാരതം ലോകരാഷ്ട്രങ്ങളില് തിളങ്ങി നില്ക്കുമ്പോള് പുറം തിരിഞ്ഞു നില്ക്കുന്ന കോണ്ഗ്രസ് മാറ്റങ്ങള് ഉള്ക്കൊള്ളാന് തയ്യാറാവണം: എ.വി.കേശവന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.