പാപ്പിനിശ്ശേരി: ഹിന്ദു ഐക്യവേദി കല്ല്യാശ്ശേരി പഞ്ചായത്ത് പദയാത്ര തടസ്സപ്പെടുത്താന് സിപിഎം ശ്രമം.കഴിഞ്ഞ ദിവസം മാങ്ങാട് നിന്നാരംഭിച്ച പദയാത്രയേയാണ് സമാപന ദിവസത്തെ പര്യടനത്തിനിടയില് കോലത്തുവയല്, കല്ല്യാശ്ശേരി എന്നിവിടങ്ങളില് വെച്ച് ഒരു സംഘം സിപിഎമ്മുകാര് തടസ്സപ്പെടുത്താന് ശ്രമം നടത്തിയത്. കോലത്തുവയലില് പദയാത്രയ്ക്കിടയിലേക്ക് ബൈക്കിലെത്തിയ സംഘം വാഹനമോടിച്ച് കയറ്റുകയും ജാഥയെ തങ്ങളുടെ നാട്ടിലേക്ക് കടത്തിവിടില്ലെന്ന് ആക്രോശിക്കുകയുമായിരുന്നു. പോലീസ് സ്ഥലത്തെത്തി സിപിഎമ്മുകാരെ നീക്കം ചെയ്യുകയായിരുന്നു.അരുണ്ബാബു,ഷിബിന്,റമില് എന്നിവരുടെ നേതൃത്വത്തിലുളള സിപിഎം സംഘമാണ് പദയാത്ര തടഞ്ഞത്. കല്ല്യാശ്ശേരിയാലവട്ടെ ശക്തമായ മഴയത്ത് ബസ്സ്സ് സ്റ്റോപ്പില് കയറിയ ജാഥാംഗങ്ങളെ സിപിഎം ബ്രാഞ്ച് സെക്രട്ടറിയായ അനിലിന്റെ നേതൃത്വത്തില് ഭീഷണിപ്പെടുത്തുകയും അക്രമിക്കാന് ശ്രമിക്കുകയുമായിരുന്നു. സംഭവത്തില് ഹിന്ദുഐക്യവേദി ജില്ലാ കമ്മിറ്റി ശക്തിയായി പ്രതിഷേധിച്ചു. ഒഴക്രോം,അഞ്ചാംപീടിക,ബാലന്മുക്ക് ,മരച്ചാപ്പ,കാട്യം,പൗവ്വാടി വയല് എന്നിവിടങ്ങളില് പര്യടനം നടത്തിയ പദയാത്ര വൈകുന്നേരം കീച്ചേരിയില് സമാപിച്ചു. സമാപന പരിപാടിയില് ആര്എസ്എസ് വിഭാഗ് സേവാ പ്രമുഖ് കെ.സജീവന്, വ്യവസ്ഥാ പ്രമുഖ് യു.കുഞ്ഞിരാമന്, ബിജെപി കല്ല്യാശ്ശേരി മണ്ഡലം പ്രസിഡണ്ട് വിജയന് മാങ്ങാട്, ജാഥാ ക്യാപ്റ്റന് എം.പ്രകാശന്,താലൂക്ക് കാര്യവാഹ് രഞ്ചിത്ത് തുടങ്ങിയവര് സംസാരിച്ചു.
ഹിന്ദു ഐക്യവേദി കല്ല്യാശ്ശേരി പഞ്ചായത്ത് പദയാത്ര തടസ്സപ്പെടുത്താന് സിപിഎം ശ്രമം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.