കണ്ണൂര്: പ്രേംരാജ് ഫിലിംസിന്റെ ബാനറില് ബല്റാം മട്ടന്നൂര് രചനയും സംവിധാനവും നിര്വ്വഹിക്കുന്ന സൂര്യഭദ്രം സിനിമയുടെ പൂജ നാളെ രാവിലെ 9 മണിക്ക് കണ്ണൂര് ടൗണ് സ്ക്വയറില് ക്രിക്കറ്റ് താരം ശ്രീശാന്ത് അരയാല് വൃക്ഷത്തൈ നട്ടുകൊണ്ട് നിര്വ്വഹിക്കും. സൂര്യഭദ്രത്തില് അരയാലിന്റെ വിവാഹം വേപ്പുമരവുമായി നടത്തുന്ന സിറ്റ്വേഷന് ഉള്ളതിനാലാണ് അരയാല് വൃക്ഷത്തൈ നട്ടുകൊണ്ട് സമാരംഭം കുറിക്കുന്നത്.
വി.വി.പ്രേമരാജന്, പ്രിനു പ്രേമരാജന് എന്നിവരാണ് സിനിമയുടെ നിര്മ്മാതാക്കള്. സിനിമയിലെ അഭിനേതാക്കാള് മുഴുവനായും പുതുമുഖങ്ങളാണ്. കണ്ണൂരിലും പരിസരപ്രദേശങ്ങളിലുമാണ് ചിത്രീകരണം നടക്കുക. മലയാള ചലച്ചിത്ര ചരിത്രത്തിലെ നാഴികക്കല്ലായിത്തീരുന്ന നവരസങ്ങളെ അടിസ്ഥാനമാക്കി പത്തു മിനുട്ട് പതിമൂന്ന് സെക്കന്റ് ദൈര്ഘ്യമുള്ള ഗാനം ഈ സിനിമയുടെ പ്രത്യേകതയാണ്. സംവിധായകനായ ബല്റാം മട്ടന്നൂരാണ് ഗാന രചന.
സംവിധായകന് ബല്റാം മട്ടന്നൂര്, നിര്മ്മാതാവ് വി.വി.പ്രേമരാജന് എന്നിവര് പത്രസമ്മേളനത്തില് പങ്കെടുത്തു.
