പാനൂര്‍: ഹിന്ദുത്വത്തെ തകര്‍ക്കാന്‍ സിപിഎം നടത്തുന്ന കുത്സിത ശ്രമങ്ങള്‍ സമൂഹം തിരിച്ചറിയണമെന്ന് ആര്‍എസ്എസ് ജില്ലാബൗദ്ധിക്ക് പ്രമുഖ് വിപി.ഷാജി പറഞ്ഞു. മൊകേരി പഞ്ചായത്ത്തല ഹിന്ദുഐക്യവേദി പദയാത്ര വളളങ്ങാട് ഗുരുസന്നിധിക്കു സമീപത്ത് വെച്ച് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ലോകം ചവറ്റുകൊട്ടയിലെറിഞ്ഞ പ്രത്യയശാസ്ത്രത്തെ നിലനിര്‍ത്താന്‍ സിപിഎം നടത്തുന്ന തറവേലകള്‍ ഹിന്ദുവിന്റെ ആത്മാഭിമാനത്തിന് മുറിവേല്‍പ്പിക്കുന്നതാണ്. ശ്രീനാരായണ ഗുരുദേവന്റെ ദര്‍ശനത്തെ അപകീര്‍ത്തിപ്പെടുത്താന്‍ നടക്കുന്ന നീക്കം ആപത്ക്കരമാണ്.ഇത്തരം ചെയ്തികള്‍ അവസാനിപ്പീക്കാന്‍ സിപിഎം തയ്യാറാവണമെന്നും അദ്ദേഹം പറഞ്ഞു. കെപി.ജിഗീഷ് അദ്ധ്യക്ഷത വഹിച്ചു. ജാഥാലീഡര്‍ കെ.അദീഷ് പ്രസംഗിച്ചു. വാച്ചാലിമുക്ക്, കൂരാറ, കടേപ്രം, ആറ്റുപുറം, മാക്കൂല്‍പീടിക, മുത്താറിപീടിക, വളള്യായി തുടങ്ങിയ കേന്ദ്രങ്ങളിലെ സ്വീകരണ പരിപാടികള്‍ക്ക് ശേഷം പദയാത്ര പാത്തിപാലത്ത് സമാപിച്ചു. ആര്‍എസ്എസ് വിഭാഗ് കാര്യവാഹ് വി.ശശിധരന്‍ സമാപന പരിപാടി ഉദ്ഘാടനം ചെയ്തു.സിപിഎം നടത്തുന്ന ഹിന്ദുവിരുദ്ധ നിലപാടുകള്‍ക്ക് ക്രിയാത്മകമായി സമൂഹത്തെ സജ്ജമാക്കാനാണ് ഇത്തരം പദയാത്രകള്‍കൊണ്ടുദ്ദേശിക്കുന്നത്. ഇത് പുതുവിപ്ലവത്തിന്‍ ജ്വാലയുയര്‍ത്തുമെന്ന് വി.ശശിധരന്‍ പറഞ്ഞു. കെസി.വിഷ്ണു അദ്ധ്യക്ഷത വഹിച്ചു.സെറ്റോ ജില്ലാ പ്രസിഡണ്ട് കെ.വിനോദന്‍ മാസ്റ്റര്‍, കെപി.ജിഗീഷ്, കെ.അദീഷ് തുടങ്ങിയവര്‍ പ്രസംഗിച്ചു. വിവിധ കേന്ദ്രങ്ങളില്‍ നടന്ന സ്വീകരണ പരിപാടിയില്‍ ജിരണ്‍പ്രസാദ്, ഇടികെ.രമീഷ്, കെ.ജിഷ്ണു, കെഎം.അശോകന്‍ തുടങ്ങിയവര്‍ പ്രസംഗിച്ചു.
ഹിന്ദുത്വത്തെ തകര്‍ക്കാന്‍ സിപിഎം നടത്തുന്ന കുത്സിത ശ്രമങ്ങള്‍ സമൂഹം തിരിച്ചറിയണം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.