കോഴിക്കോട്: തൊഴിലാളി സംഘടനാ രംഗത്തെ കച്ചവടതാല്പ്പര്യക്കാരെ തിരിച്ചറിയാനും അഴിമതിക്കാരായ നേതാക്കളെ അവഗണിക്കാനും തൊഴിലാളികള് ആര്ജവം കാണിക്കണമെന്ന് ബിഎംഎസ് സംസ്ഥാന വൈസ് പ്രസിഡന്റ് വി. രാധാകൃഷ്ണന് ആവശ്യപ്പെട്ടു. കേരള തയ്യല് മസ്ദൂര് ഫെഡറേഷന് ഉത്തരമേഖല പഠനശിബിരം കോഴിക്കോട് നളന്ദ ഓഡിറ്റോറിയത്തില് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
തൊഴിലാളികളുടെ അവകാശങ്ങളും ആനുകൂല്യങ്ങളും സംരക്ഷിക്കുന്നതിനായി പ്രവര്ത്തിക്കുകയും തൊഴിലുടമകളുടെയും സാമ്പത്തിക ശക്തികളുടെയും താല്പ്പര്യങ്ങള്ക്ക് വേണ്ടി നിലകൊള്ളുകയും ചെയ്യുന്നവരാണ് ചിലര്. കേരളത്തിലെ പ്രമുഖ ട്രേഡ് യൂണിയന് നേതാക്കളില് പലരും വന് അഴിമതി ആരോപണങ്ങള്ക്ക് അന്വേഷണം നേരിടുകയാണ്. സമര്പ്പിതവും സുതാര്യവും, ത്യാഗപൂര്ണ്ണവുമായ പ്രവര്ത്തനമാണ് തൊഴിലാളി പ്രവര്ത്തനത്തിന്റെ അടിസ്ഥാന തത്വം. ഇതിന് വിരുദ്ധമായി പ്രവര്ത്തിക്കുന്നവരെ തിരിച്ചറിയാനും ഒറ്റപ്പെടുത്താനും തൊഴിലാളികള് മുന്നോട്ട് വരണമെന്ന് വി. രാധാകൃഷ്ണന് തുടര്ന്ന് പറഞ്ഞു.ബിഎംഎസ് കോഴിക്കോട് ജില്ലാ പ്രസിഡന്റ് ഇ. ദിവാകരന് അദ്ധ്യക്ഷത വഹിച്ചു. ഫെഡറേഷന് പ്രസിഡന്റ് പി. കൃഷ്ണന് വൈസ് പ്രസിഡന്റ് വി. ചന്ദ്രന്, ജനറല് സെക്രട്ടറി വി. ബാലകൃഷ്ണന് ദേവുഉണ്ണി, വേലായുധന്, വനജ രാഘവന് എന്നിവര് സംസാരിച്ചു.
കേരള തയ്യല് മസ്ദൂര് ഫെഡറേഷന് ഉത്തരമേഖല പഠനശിബിരം ബിഎംഎസ് സംസ്ഥാന വൈസ് പ്രസിഡന്റ് വി. രാധാകൃഷ്ണന് ഉദ്ഘാടനം ചെയ്യുന്നു
