കള്ളനോട്ട്‌കേസന്വേഷണം : കസബപൊലീസ് കുറവിലങ്ങാട്ട് തെരച്ചില്‍നടത്തി

കുറവിലങ്ങാട്: കള്ളനോട്ടുകേസില്‍ അന്വേഷണംനടത്തുന്ന കോഴിക്കോട് കസബപൊലീസിന്റെ പ്രത്യേകസംഘം കുറവിലങ്ങാട്ടെത്തി അന്വേഷണംനടത്തി. കള്ളനോട്ടുകള്‍ നിര്‍മ്മിച്ചുവിറ്റഴിച്ച കേസില്‍ രണ്ടാഴ്ചമുമ്പ് കോളിക്കോട് കസബപൊലീസ് അറസ്റ്റുചെയ്ത ഈരാറ്റുപേട്ടപനച്ചിപ്പാറസ്വദേശികളുമായി അടുപ്പംപുലര്‍ത്തിയിരുന്ന ചിലരെ അന്വേഷിച്ചാണ് കള്ളനോട്ട്‌കേസ് അന്വേഷിക്കുന്ന പ്രത്യേകസ്വകാഡിലെ എസ്.ഐമാരായ എസ്.സജീവ്,പി.എം വിമോദ് എന്നിവരടങ്ങുന്നപൊലീസ്‌സംഘം കുറവിലങ്ങാട് ടൗണിലെത്തി ഒരുവ്യാപാരസ്ഥാപനത്തില്‍ പരിശോധനയുംനടത്തി അന്വേഷണത്തെ ബാധിക്കുമെന്നതിനാല്‍ കൂടുതല്‍വിവരങ്ങള്‍ ഇപ്പോള്‍ വെളിപ്പെടുത്താവാവില്ലെന്ന് അന്വേഷണഉദ്യോഗസ്ഥര്‍ പറഞ്ഞു. 17 ലക്ഷംരൂപയുടെ കള്ളനോട്ടുമായി ഈരാറ്റുപേട്ട പുത്തന്‍വീട്ടില്‍ ഗോള്‍ഡ്‌ജോസഫ് എന്ന ജോസഫ്(45),തുണ്ടത്തില്‍വീട്ടില്‍ മോഹനന്‍ശശി എന്ന സജി(42) എരുമേലി കാവുപുത്തന്‍പുരയ്‌ക്കല്‍ വീട്ടില്‍ അനൂപ്(35) കാഞ്ഞാങ്ങാട് വെള്ളാല്‍ കല്ലംചിറസ്വദേശി മൂക്കോട്ടില്‍വീട്ടില്‍ ഷിഹാബ്(32),ബാലുശ്ശേരി ചെറിയമണിച്ചേരി വീട്ടില്‍ ബിജു(32) എന്നിവരെ രണ്ടാഴ്ച മുമ്പ് കസബപൊലീസ് അറസ്റ്റുചെയ്തിരുന്നു. ഈരാറ്റുപേട്ടയിലെ ടെക്‌സ്‌റ്റൈല്‍സ് ഉടമയായിരുന്ന ജോസഫാണ് കേസിലെ മുഖ്യപ്രതി നേരത്തെ സ്‌ക്രീന്‍പ്രിന്റിംഗ്ജീവനക്കാരയിരുന്ന ജോസഫ് കംപ്യൂട്ടറിലെ വൈദഗ്ധ്യം ഉപയോഗിച്ച് കള്ളനോട്ടുകള്‍ നിര്‍മ്മിക്കുകയായിരുന്നു. ഈരാറ്റുപേട്ടയിലെ സ്വന്തംവീട്ടില്‍ വച്ച് കംപ്യൂട്ടറുംസക്രീന്‍പ്രിന്റിംഗ്‌സാങ്കേതികവിദ്യയും ഉപയോഗിച്ച് 500ന്റേയും 1000 ത്തിന്റേയും കള്ളനോട്ടുകള്‍ നിര്‍മ്മിക്കുകയായിരുന്നു. മൂന്ന് വര്‍ഷംമുമ്പ് പത്തുലക്ഷംരൂപയുടെ കള്ളനോട്ടുമായി ജോസഫിനെ ബായ്ഗൂര്‍ പൊലീസ് അറസ്റ്റുചെയ്തിരുന്നു ഈ കേസില്‍ ജാമ്യത്തിലിറങ്ങിയിരിക്കയായിരുന്നു. കോഴിക്കോട്ട് കണ്‍സ്യൂമര്‍ഫെഡിന്റെ ഉടമസ്ഥതയിലുള്ള വിദേശമദ്യഷോപ്പില്‍നിന്നും മദ്യംവാങ്ങുന്നതിനായിനല്‍കിയ കള്ളനോട്ട്തിരിച്ചറിഞ്ഞതിനേത്തുടര്‍ന്നാണ് കസബപൊലീസ് രണ്ടുപേരെ അറസ്റ്റുചെയ്യുന്നതും തുടര്‍ന്ന്‌സിറ്റിപൊലീസ് കമ്മീഷണര്‍ പി.എ വല്‍സന്റെ നിര്‍ദ്ദേശാനുസരണംപ്രത്യേകഅന്വേഷണസംഘം രൂപീകരിച്ച് ഈരാറ്റുപേട്ടസ്വദേശികളെ നോട്ടുനിര്‍മ്മാണസാമഗ്രികളടക്കംകസ്റ്റഡിയിലെടുത്ത് അറസ്റ്റുചെയ്യുന്നതും. കുറവിലങ്ങാട് ടൗണിലെ ഒരുബിയര്‍വൈന്‍പാര്‍ലറില്‍നിന്നുമാണ് മുഖ്യപ്രതികളെ കസബപൊലീസ് പിടികൂടിയത്. ഇവര്‍നിര്‍മ്മിച്ചകള്ളനോട്ടുകള്‍ വിതരണംചെയ്തസംഘത്തിലെ ചിലരെ അന്വേഷിച്ചാണ് പ്രത്യേകസംഘം വീണ്ടും കുറവിലങ്ങാട്ടെത്തിയത്.