ചേനപ്പാടി: അയല്പക്കത്തെ വീട്ടില് ബൈക്ക് വയ്ക്കുന്നതിനെച്ചൊല്ലിയുള്ള തര്ക്കത്തെത്തുടര്ന്ന് ബിജെപി പ്രവര്ത്തകനേയും ഭാര്യയേയും ഡിവൈഎഫ്ഐക്കാരന് വീട്ടില് കയറി മര്ദ്ദിച്ചതായി പരാതി.
ചേനപ്പാടിയില് കഴിഞ്ഞ ദിവസം രാത്രിയാണ് സംഭവം. ബിജെപി പ്രവര്ത്തകനായകാരക്കുന്നേല് സാബു സുരേഷ് അയല്വാസിയുടെ വീട്ടിലാണ് ബൈക്ക് വെയ്ക്കുന്നത്. ഇതേ വീട്ടിലാണ് അയല്വാസിയും ഡിവൈഎഫ്ഐ പ്രവര്ത്തകനുമായ തടിക്കപ്പറമ്പില് ഷാമോനും ബൈക്ക് വെയ്ക്കുന്നത്. കഴിഞ്ഞ ദിവസം രാത്രി ബൈക്ക് വയ്ക്കുന്നതിനെച്ചൊല്ലി തര്ക്കമുണ്ടായി. വീട്ടുകാര് ഇടപെട്ടാണ് പിന്നീട് പ്രശ്നം പരിഹരിച്ചത്. എന്നാല് ഡിവൈഎഫ്ഐ ചേനപ്പാടി കിഴക്കേക്കര ബ്രാഞ്ച് കമ്മിറ്റി സെക്രട്ടറികൂടിയായ ഷാജിയുടെ മകന് ഷാമോന് കമ്പിവടിയുമായി രാത്രിയില് വീട്ടില് കയറി മര്ദ്ദിക്കുകയായിരുന്നുവെന്നും സാബു സുരേഷ് പറഞ്ഞു. മര്ദ്ദിക്കുന്നത് കണ്ട് പിടിച്ചുമാറ്റാനെത്തിയ സാബുവിന്റെ ഭാര്യ പുഷ്പയ്ക്കും ക്രൂരമായി മര്ദ്ദനമേറ്റു. സംഭവം അറിഞ്ഞ് രാത്രിയില് എത്തിയ എരുമേലി പോലീസ് പ്രതിയായ ഷാമോനെ കസ്റ്റഡിയിലെടുത്തുവെങ്കിലും പിറ്റേദിവസം രാവിലെ ജാമ്യത്തില് വിട്ടയച്ചു.
വീടുകയറി അക്രമിച്ച സംഭവത്തില് പ്രതിക്കെതിരേ മാതൃകാപരമായി കേസെടുക്കുന്നതില് എരുമേലി പോലീസ് കടുത്ത വീഴ്ചവരുത്തിയെന്ന് ബിജെപി നേതാക്കള് പറഞ്ഞു. പ്രതിക്കെതിരേകര്ശന നടപടിയെടുത്തില്ലെങ്കില് പ്രതിഷേധം ശക്തമാക്കുമെന്നും നേതാക്കള് പറഞ്ഞു.
