ഡബഌന്: അയര്ലന്ഡിനെ പ്രശംസ കൊണ്ടു മൂടി പ്രധാനമന്ത്രി നരേന്ദ്രമോദി. സംയുക്ത പ്രഖ്യാപനത്തിനു മുന്പ് മോദിയും ഐറിഷ് പ്രധാനമന്ത്രി എന്ഡാ കെന്നിയും ചേര്ന്ന് നടത്തിയ സംയുക്ത പ്രസ്താവനയിലാണിത്. ഭാരതത്തിനും അയര്ലന്ഡിനും ഒരുപാട് സാമ്യതകളുണ്ട്.
ഐറിഷ് വിദഗ്ധരാണ് ഭാരതത്തിന് ജിയോളജിക്കല് സര്വ്വേ ഓഫ് ഇന്ത്യയും ഭാഷാ സര്വ്വേയും സംഭാവന ചെയ്തത്. മോദി പറഞ്ഞു. രവീന്ദ്രനാഥ ടാഗോറും ഐറിഷ് കവി ഡബഌ ബി യേറ്റ്സും തമ്മിലുണ്ടായിരുന്ന ആത്മബന്ധം പരാമര്ശിച്ച മോദി സിസ്റ്റര് നിവേദിതയിലൂടെ ഭാരതത്തിന് ലഭിച്ച മഹത് വ്യക്തിത്വത്തെയും ചൂണ്ടിക്കാട്ടി. ഇതെല്ലാം അയര്ലന്ഡിന്റെ സംഭാവനകളാണ്. ഇന്ന് അയലന്ഡില് 26000 ഭാരതീയരാണ് ഉള്ളത്. അദ്ദേഹം പറഞ്ഞു.
കനിഷ്ക വിമാനദുരന്തവും അദ്ദേഹം ഓര്മ്മിപ്പിച്ചു. എയറിന്ത്യയുടെ എമ്പറര് കനിഷ്കയെന്ന വിമാനം മുപ്പതു വര്ഷം മുന്പ് അയര്ലന്ഡിലാണ് സ്ഫോടനത്തില് തകര്ന്നു വീണത്. ഈ ദുരന്തത്തില് മരിച്ചവര് അന്ത്യവിശ്രമം കൊള്ളുന്ന നാടാണ് അയര്ലന്ഡ്. ഭാരതവും അയര്ലന്ഡും തമ്മിലുള്ള പങ്കാളിത്തവും സഹകരണവും വികസിക്കണം. അതിവേഗം വളരുന്ന രണ്ടു സാമ്പത്തി ശക്തികളാണ് ഇവയെന്ന് മോദി പറഞ്ഞു.
