കാഞ്ഞിരപ്പള്ളി: നിര്ദ്ധന കുടുംബത്തിലെ രണ്ട് രോഗികളുടെ ചികിത്സക്ക് കാഞ്ഞിരപ്പള്ളിയിലെ ജനങ്ങള് കൂട്ടായി ധനസ്വരൂപണം നടത്തുന്നു. ഇതിനായി കാഞ്ഞിരപ്പള്ളി ഗ്രാമപഞ്ചായത്ത് ജീവന്രക്ഷാ സമിതി രൂപീകരിച്ച് സജീവ പ്രവര്ത്തനം ആരംഭിച്ചതായി ഭാരവാഹികള് പത്ര സമ്മേളനത്തില് അറിയിച്ചു. മഞ്ഞപ്പള്ളി കുറ്റുവേലില് പരേതനായ ചന്ദ്രന്റെ മകന് സനല് ചന്ദ്രന്(25). മാനിടംകുഴിയില് വാടകയ്ക്ക് താമസിക്കുന്ന ടാപ്പിങ് തൊഴിലാളി ബെന്നി തോമസിന്റെ മകള് അനുമോള്(23) എന്നിവരുടെ ജീവന് നിലനിര്ത്താന് വേണ്ടിയാണ് പഞ്ചായത്തു തല ജീവന് രക്ഷാ സമിതിയുടെ ശ്രമം. രണ്ടര വയസിലാണ് അനുമോളുടെ ഹൃദയത്തില് സുഷിരങ്ങള് ഉള്ളതായി കണ്ടെത്തിയത്. അന്നു മുതല് ചികില്സ നടത്തിവന്നെങ്കിലും പിന്നീട് ശ്വാസ കോശത്തെയും രോഗം തകരാറിലാക്കി. പ്ലസ് ടുവിന് 60 ശതമാനം മാര്ക്കോടെ വിജയിച്ച അനുമോള്ക്ക് ഡിഗ്രിക്ക് ചേര്ന്നെങ്കിലും പഠനം തുടരാന് രോഗാവസ്ഥ അനുവദിച്ചില്ല. കോട്ടയം മെഡിക്കല് കോളജില് ചികില്സ തേടിയിരിക്കുന്ന അനുവിന്റെ ഹൃദയവും, ശ്വാസകോശവും മാറ്റിവയ്ക്കുന്നതിനുള്ള ശസ്ത്രക്രിയയ്ക്ക് പേരു രജിസ്റ്റര് ചെയ്തു. ശസ്ത്രക്രിയയ്ക്കും അഞ്ചു വര്ഷത്തെ തുടര് ചികില്സക്കുമായി 30 ലക്ഷം രൂപ ആവശ്യമാണ്.
രണ്ടര മാസം മുമ്പാണ് സനലിന്റെ രോഗം കണ്ടെത്തിയത്. ഇരു കാലുകളിലും നീരുവന്നതിനെ തുടര്ന്ന് നടത്തിയ പരിശോധനയിലാണ് ഇരു വൃക്കകളും തകരാറിലായതായി കണ്ടെത്തിയത്. എറണാകുളം ലിസി ആശുപത്രിയില് ചികില്സയില് കഴിയുന്ന സനല് ചന്ദ്രന് അമ്മ ഓമന വൃക്ക നല്കാന് തയ്യാറാണ്. അച്ഛന് മരിച്ചു പോയി. സഹോദരിയും, ഭാര്യയും മൂന്നു വയസുള്ള കുഞ്ഞുമുള്ള സനല് കുടുംബത്തിന്റെ ഏക ആശ്രയമായിരുന്നു. ടിവി മെക്കാനിക്കും, ഡ്രൈവറുമായിരുന്ന സനലിന്റെ രോഗം തളര്ത്തിയ കുടുംബത്തെ മാതാവ് ഓമന കൂലിപ്പണി ചെയ്താണ് പോറ്റുന്നത്.
ചങ്ങനാശേരി പ്രത്യാശാ ടീമിന്റെയും, ഗ്രാമ പഞ്ചായത്തിന്റെയും നേതൃത്വത്തിലാണ് സമിതി രൂപീകരിച്ചിരിക്കുന്നത്. ഇരുവരുടെയും ചികില്സയ്ക്കാവശ്യമായ 40 ലക്ഷം രൂപ കണ്ടെത്തുന്നതിന് പഞ്ചായത്തിലെ മുഴുവന് വാര്ഡുകളിലും ജീവന് രക്ഷാ സമിതി അംഗങ്ങളുടെ നേതൃത്വത്തില് 27ന് രാവിലെ ഒന്പതു മുതല് ഉച്ചയ്ക്ക് രണ്ടു വരെയുള്ള സമയത്ത് പൊതുജനങ്ങളില് നിന്നും 40 ലക്ഷം രൂപ സമാഹരിക്കുകയാണ് സമിതിയുടെ ലക്ഷ്യം. എസ്.ബി.ടി കാഞ്ഞിരപ്പള്ളി ശാഖയില് ജീവന്രക്ഷാ സമിതി കാഞ്ഞിരപ്പള്ളി ഗ്രാമ പഞ്ചായത്ത് എന്ന പേരില് 67337266654 എന്ന നമ്പരില് അക്കൗണ്ട് തുടങ്ങിയിട്ടുണ്ട്. ഐഎഫ്സി കോഡ് എസ്ബിടിആര് 0000115.
പത്രസമ്മേളനത്തില് ഫാ.സെബാസ്റ്റ്യന് പുന്നശ്ശേരി, അഡ്വ.പി.എ ഷെമീര്, അഡ്വ.സെബാസ്റ്റ്യന് കുളത്തുങ്കല്, പി.കെ നസീര്, വി.എന് രാജേഷ്, ഷാജന് മണ്ണംപ്ലാക്കല്, അഡ്വ.സാജന്കുന്നത്ത്, സിനി ജിബു, സെബാസ്റ്റ്യന് മണ്ണംപ്ലാക്കല് എന്നിവര് പങ്കെടുത്തു.
