കോട്ടയം: സംസ്ഥാനത്ത് ആദ്യമായി സര്ക്കാര് ആശുപത്രിയില് ഹൃദയം മാറ്റിവക്കല് ശസ്ത്രക്രിയ വിജയകരമായി പൂര്ത്തിയാക്കിയ ഡോ.ടി.കെ.ജയകുമാറിന് സംസ്ഥാന മുന്നാക്ക സമുദായ ക്ഷേമ കോര്പ്പറേഷന്റെ ആദരം. ചെയര്മാന് പ്രയാര് ഗോപാലകൃഷ്ണന്റെ നേതൃത്വത്തില് സമുന്നതി ഡയറക്ടര് ബോര്ഡ് അംഗങ്ങള് കോട്ടയം മെഡിക്കല് കോളേജിലെത്തി അദ്ദേഹത്തെ പൊന്നാട അണിയിച്ച് ആദരിച്ചു.
ആതുര സേവന മേഖലയിലെ വെല്ലുവിളികള് നേരിടുന്നതിന് സംസ്ഥാനത്തെ സര്ക്കാര് ആരോഗ്യ മേഖല പ്രാപ്തമാണെന്നതിന്റെ തെളിവാണ് കോട്ടയം മെഡിക്കല് കോളേജില് കണ്ടതെന്ന് പ്രയാര് ഗോപാലകൃഷ്ണന് പറഞ്ഞു.സമുന്നതി ഡയറക്ടര് ബോര്ഡ് അംഗങ്ങളായ എം.പി. മുരളി,
അഡ്വ. സി.എസ് വിദ്യാസാഗര്, കോട്ടയം മുന്സിപ്പല് കൗണ്സിലര്
ബി.ഗോപകുമാര്, സമുന്നതി ജനറല് മാനേജര്, .അജിത് കൊളശ്ശേരി തുടങ്ങിയവരുമൊത്താണ് ചെയര്മാന് കോട്ടയം മെഡിക്കല് കോളേജിലെത്തിയത്.
