യ്യും
കണ്ണൂര്: അഖിലകേരള യാദവസഭ സംസ്ഥാന പ്രതിനിധി സമ്മേളനം 27 ന് രാവിലെ 10 മണിക്ക് കണ്ണൂര് ജവഹര് ഓഡിറ്റോറിയത്തില് കേന്ദ്രനിയമ കാര്യമന്ത്രി സദാനന്ദ ഗൗഡ ഉദ്ഘാടനം ചെയ്യും. രാവിലെ 9.30 ന് താവക്കര യുപി സ്കൂള് പരിസരത്ത് നിന്ന് ആരംഭിക്കുന്ന ഘോഷയാത്ര സമ്മേളന നഗരിയില് സമാപിക്കും. മന്ത്രി കെ.പി.മോഹനന് ചടങ്ങില് മുഖ്യാതിഥിയായി പങ്കെടുക്കും. സ്വാഗത സംഘം ചെയര്മാന് എന്.സോമനാഥന് അധ്യക്ഷത വഹിക്കും. യാദവസഭ സംസ്ഥാന പ്രസിഡണ്ട് ഗംഗാധരന് നെല്ലിത്തല ഉപഹാര സമര്പ്പണം നടത്തും. എം.കെ.രാഘവന് എം.പി, കെ.എം.ഷാജി എംഎല്എ, ജില്ലാ പഞ്ചായത്ത് പ്രസിഡണ്ട് കെ.എ.സരള, ടി.ഒ.മോഹനന്, വി.കൃഷ്ണന് മാസ്റ്റര്, ടി.ജി.ഗോപാലകൃഷ്ണന് നായര്, അഡ്വ.ടി.മണി, വളപ്പില് ഗോപി തുടങ്ങിയവര് സംസാരിക്കും.
ഉച്ചക്ക് 1.30 ന് നടക്കുന്ന പ്രതിനിധി സമ്മേളനം ഓള് ഇന്ത്യാ യാദവ മഹാസഭ വൈസ് പ്രസിഡണ്ട് നന്ദഗോപാല് യാദവ് ഉദ്ഘാടനം ചെയ്യും. ഗംഗാധരന് നെല്ലിത്തല അധ്യക്ഷത വഹിക്കും. ചടങ്ങില് പുതിയ ഭാരവാഹികളുടെ തെരഞ്ഞെടുപ്പ് നടക്കും.
യാദവസഭ സംസ്ഥാന ജനറല് സെക്രട്ടറി അഡ്വ. എം.രമേഷ് യാദവ്, സംഘാടക സമിതി ചെയര്മാന് അഡ്വ.എന്.സോമന്, ഇ.കെ.രവീന്ദ്രന്, ഇ.പി.ചന്ദ്രന്, കെ.വി.ബാലകൃഷ്ണന് എന്നിവര് പത്രസമ്മേളനത്തില് പങ്കെടുത്തു.
