ചങ്ങനാശ്ശേരി: നഗരത്തിലെ റോഡുകളില് ഓട്ടോ സ്റ്റാന്റുകള് സ്ഥാപിച്ച് ഓട്ടോകള് പാര്ക്ക് ചെയ്യുന്നതുമൂലം എംസി റോഡിലൂടെയുള്ള ഗതാഗതം താറുമാറാകുകയും യാത്രക്കാര് ദുരിതത്തിലാകുകയും ചെയ്യുന്നു.
കെഎസ്ടിപി റോഡ് നിര്മ്മിക്കുന്നതിനാല് ഓരോ ഓട്ടോ സ്റ്റാന്ഡുകളുടേയും കാര്യത്തില് പൊതുമരാമത്ത് ശ്രദ്ധചെലുത്തണമെന്ന് നാട്ടുകാര് ആവശ്യപ്പെടുന്നു. വാഹനപ്പെരുപ്പം കൂടുന്നതിനാല് ഗതാഗതക്കുരുക്കില്ലാത്ത സ്ഥലങ്ങളില് ഓട്ടോ സ്റ്റാന്റുകള് ക്രമീകരിക്കുകയോ മറ്റു സംവിധാനങ്ങള് ഏര്പ്പെടുത്തുന്നതിന് അധികാരികള് നടപടി സ്വീകരിക്കണം. പ്രദേശിക ഭരണകൂടങ്ങള് ഓട്ടോകള്ക്ക് പാര്ക്കിംഗ് സൗകര്യം ഏര്പ്പെടുത്തി ഇത്തരം കാര്യങ്ങള് നടപ്പിലാക്കണം. ചങ്ങനാശ്ശേരിയില് ഓട്ടോ സ്റ്റാന്റുകള് വാഹന യാത്രികര്ക്കും കാല്നടക്കാര്ക്കും റോഡ് ഉപയോഗിക്കുന്നതിന് തടസ്സമായി മാറുന്നതായി പരാതിയുണ്ട്. ഓട്ടോ ഡ്രൈവര്മാര് നമ്പരിട്ട് സ്റ്റാന്ഡ് നിര്ണ്ണയിക്കുന്നതിന് അനുകൂലിക്കുന്നു. താലൂക്ക് സഭയില് ഓട്ടോകള് നമ്പരിട്ട് സ്റ്റാന്റ് നിര്ത്തണയിക്കണമെന്ന് ആവശ്യപ്പെട്ട് പരാതി നല്കിയിരുന്നു. എന്നാല് ഈ കാര്യത്തില് നടപടിയെടുക്കേണ്ട നഗരസഭാ ഭരണാധികാരികള് അനങ്ങാപ്പാറ നയമാണ് സ്വീകരിച്ചിരിക്കുന്നത്. നഗരത്തിലെ റോഡുകളുടെ സ്ഥലപരിമിതി ഉള്ക്കൊണ്ട് ഡ്രൈവര്മാരും അധികാരികളും ഗതാഗതക്കുരുക്ക് ഒഴിവാക്കാനുള്ള ക്രിയാത്മകമായ നടപടികള് സ്വീകരിക്കണമെന്നുമാണ് ജനങ്ങള് ആവശ്യപ്പെടുന്നത്.
