കോഴിക്കോട്: വിശ്വകര്മ്മജയന്തി ദിനം ബിഎംഎസിന്റെ ആഭിമുഖ്യത്തില് ദേശീയ തൊഴിലാളിദിനമായി ആഘോഷിച്ചു. ആഘോഷത്തിന്റെ ഭാഗമായി ജില്ലയില് 19 മേഖലാ കമ്മറ്റികള്ക്ക് കീഴില് പ്രകടനവും പൊതുസമ്മേളനവും നടന്നു.
കോഴിക്കോട് സിറ്റി മേഖലയില് മെഡിക്കല് കോളേജ് കേന്ദ്രീകരിച്ച് പ്രകടനവും കോവൂരില് പൊതുസമ്മേളനവും നടന്നു. ദേശീയബോധമുള്ള തൊഴിലാളികളാണ് ഒരു രാഷ്ട്രത്തിന്റെ ശക്തി എന്ന് പൊതുസമ്മേളനം ഉദ്ഘാടനം ചെയ്ത ബിഎംഎസ് സംസ്ഥാന സെക്രട്ടറി പി. ശശിധരന് പറഞ്ഞു. പതിറ്റാണ്ടുകളായി വിശ്വകര് മ്മജയന്തി ഭാരതത്തില് ആഘോഷി ച്ചുവരുന്നുണ്ട്. വിശ്വകര്മ്മജയന്തി ദിനം ദേശീയ തൊഴിലാളിദിനമായി പ്രഖ്യാപിക്കാന് കേന്ദ്രസര്ക്കാര് തയ്യാറാകണമെന്നും അദ്ദേഹം ആവശ്യപ്പെട്ടു. മേഖലാ പ്രസിഡന്റ് സുധാകരന് അദ്ധ്യക്ഷത വഹിച്ചു. ബിഎംഎസ്ആര്എ സംസ്ഥാന സംഘടനാ സെക്രട്ടറി സി.പി. ഗോപീകൃഷ്ണന്, ജില്ലാ ട്രഷറര് എന്. ശശീന്ദ്രന് എന്നിവര് സംസാരിച്ചു. സിഐടിയുവിട്ട് ബിഎംഎസ്സില് ചേര്ന്ന ഓട്ടോ ഡ്രൈവര്മാര്ക്ക് പി. ശശിധരന് അംഗത്വം വിതരണം ചെയ്തു.
മേഖലാ സെക്രട്ടറി സി.പി. രാജേഷ് സ്വാഗതവും പി.കെ. സുനില്കുമാര് നന്ദിയും പറഞ്ഞു.
ഫറോക്കില് നടന്ന പൊതുസമ്മേളനത്തില് ബിഎംഎസ് ജില്ലാ ജോയിന്റ് സെക്രട്ടറി അരീക്കോത്ത് രാജന്, ജിജേഷ് മാസ്റ്റര് എന്നിവര് പങ്കെടുത്തു.
ബിഎംഎസ് സംസ്ഥാനസമിതി അംഗം ബാലകൃഷ്ണന് പൊറ്റക്കാട്, നീലേശ്വരം ഭാസ്കരന് മാസ്റ്റര് എന്നിവര് ചാത്തമംഗലത്തും ജില്ലാ വൈസ് പ്രസിഡന്റ് വെള്ളാരക്കല് ചന്ദ്രന്, സി. ഗംഗാധരന് എന്നിവര് പയിമ്പ്രയിലും ജില്ലാ ജോയിന്റ് സെക്രട്ടറി കെ. ഗീത, മേഖലാ സെക്രട്ടറി പി. ബാബുരാജ് എന്നിവര് കാക്കൂരിലും ജില്ലാ ജോയിന്റ് സെക്രട്ടറി കെ. ജഗത്ത്, ടി.പി. രാജന് മാസ്റ്റര് എന്നിവര് തലയാടും നടന്ന പരിപാടികളില് പങ്കെടുത്തു.
കൂമുള്ളിയില് നടന്ന പൊതുയോഗത്തില് ബിഎംഎസ് ജില്ലാ സമിതി അംഗം കെ.വി. ബാലന്, കെ. വാസു എന്നിവര് പങ്കെടുത്തു
പേരാമ്പ്ര അങ്ങാടിയില് നടന്ന പൊതുയോഗത്തില് ബിഎല്ഐഎഎസ് അഖിലേന്ത്യാ സെക്രട്ടറി ഉല്ലാസ്, എന്.കെ. ബാലകൃഷ്ണന് മാസ്റ്റര്, നാദാപുരത്ത് അഡ്വ. പി. മുരളീധരന്, ബാബു അരൂര്, വളയത്ത് ബിഎംഎസ്ആര്എ സംസ്ഥാന സെക്രട്ടറി കെ. സുരേഷ്കുമാര്, കെ. വിജയകുമാര് എന്നിവര് സംസാരിച്ചു
ഓര്ക്കാട്ടേരിയില് നടന്ന പരിപാടിയില് ബിഎംഎസ് ജില്ലാ ജോയിന്റ് സെക്രട്ടറി കെ.കെ. പ്രേമന്, വടകരയില് ജില്ലാ സമിതി അംഗം എം. ബാലകൃഷ്ണന്, ഡോ. ചെറുവാച്ചേരി രാധാകൃഷ്ണന്, പയ്യോളിയില് ജില്ലാ ജോയിന്റ് സെക്രട്ടറി പി. പരമേശ്വരന്, കൊയിലാണ്ടിയില് ഹിന്ദു ഐക്യവേദി ജില്ലാ പ്രസിഡന്റ് ശശി കമ്മട്ടേരി, ബിഎംഎസ് ജില്ലാ സമിതി അംഗം എം.കെ. സദാനന്ദന് എന്നിവരും പങ്കെടുത്തു.
