തലക്കുളത്തൂര് : അന്നശ്ശേരി നടുവിലയില് സുജ ജയേഷിന്റെ ഭാര്യ നിമിഷ (25) യുടെ ദുരൂഹ മരണത്തെ കുറിച്ച് സത്യസന്ധമായ അന്വേഷണം നടത്തണമെന്നാവശ്യപ്പെട്ട് നാട്ടുകാര് ആക്ഷന് കമ്മിറ്റി രൂപീകരിച്ചു. ഇക്കഴിഞ്ഞ 10 ന് ഇവരുടെ ഒന്നാം വിവാഹ വാര്ഷികദിനത്തില് ഭര്ത്താവിന്റെ വീട്ടില് വെച്ച് നിമിഷയെ തൂങ്ങിമരിച്ച നിലയില് കണ്ടെത്തുകയായിരുന്നു.
ചേളന്നൂര് കണ്ണങ്കര പടിഞ്ഞാറെ മുണ്ടക്കാട്ടില് മോഹനന് സരസ ദമ്പതികളുടെ മകളാണ്. നിമിഷ. ഭര്ത്തൃവീട്ടുകാരുടെ പീഡനത്തെ ചൊല്ലി സ്വന്തം വീട്ടിലായിരുന്നു നിമിഷ കുറച്ചു ദിവസങ്ങള്ക്കു മുമ്പാണ് ഭര്ത്തൃവീട്ടിലെത്തിയത്. മരണപ്പെട്ട ദിവസം രാവിലെ വീട്ടില് കലഹം നടന്നതായി നാട്ടുകാര് പറയുന്നു. ബന്ധുക്കള് പരാതി നല്കിയിട്ടും പോലീസിന്റെ ഭാഗത്തു നിന്നും യാതൊരുവിധ അന്വേഷണവും ഉണ്ടായിട്ടില്ലെന്നും പറയപ്പെടുന്നു.
നിമിഷയുടെ മരണത്തിനുത്തരവാദികളായവരെ നിയമത്തിനു മുമ്പില് കൊണ്ടുവരുന്നതിന് ബഹുജനപ്രക്ഷോഭങ്ങള് ഉള്പ്പെടെയുള്ള സമരപരിപാടികള് ആലോചിച്ചു വരികയാണെന്ന് ആക്ഷന് കമ്മിറ്റി ഭാരവാഹികള് പറഞ്ഞു. യോഗത്തില് തലക്കുളത്തൂര് ഗ്രാമപഞ്ചായത്ത് പ്രസിഡന്റ് കെ.ടി. പ്രമീള അദ്ധ്യക്ഷത വഹിച്ചു. വാര്ഡ്മെമ്പര് കെ.ചന്ദ്രന് നായര്, പി.എന്. രമേശന് എന്നിവര് സംസാരിച്ചു. മിനീഷ് ബാബു (ചെയര്മാനും) കെ.പി. ഷെറിത്ത് കണ്വീനറുമാണ്.
