കോഴിക്കോട്: കാലിക്കറ്റ് സര്വ്വകലാശാലക്ക് കീഴിലുള്ള കോളേജുകളില് നടന്ന കോളേജ് യൂണിയന് തെരഞ്ഞെടുപ്പില് കോഴിക്കോട് ജില്ലയില് എബിവിപിക്ക് ചരിത്രമുന്നേറ്റം. കുന്ദമംഗലം എസ്എന്ഇഎസ് കോളേജ്യൂണിയനില് മുഴുവന് സീറ്റും എബിവിപി നേടി. വടകര എസ്എന് കോളേജ് ഫൈന് ആര്ട്സ് സെക്രട്ടറി ഉള്പ്പെടെ നാല് സ്ഥാനങ്ങളിലേക്ക് എബിവിപി പ്രതിനിധികള് തെരെഞ്ഞെടുക്കപ്പെട്ടു. ഫൈന് ആര്ട്സ് സെക്രട്ടറിയായി ടിപി.പി. അമര്ജിത്താണ് തെരഞ്ഞെടുക്കപ്പെട്ടത്. പ്രഫുല് ദിവാകര്, സൂര്യ, അജയ്ഗംഗ എന്നിവരാണ് വിവിധ ഡിപ്പാര്ട്ട്മെന്റുകളില് നിന്ന് തെരഞ്ഞെടുക്കപ്പെട്ട എബിവിപി പ്രതിനിധികള്.
പേരാമ്പ്ര സികെജി ഗവ. കോളേജ് മാത്തമാറ്റിക്കല് ഡിപ്പാര്ട്ട്മെന്റിലേക്കും, തേര്ഡ് ഡിസിയിലേക്കും നടന്ന തെരഞ്ഞെടുപ്പില് എബിവിപി സ്ഥാനാര്ത്ഥികള് വിജയിച്ചു. മാത്തമാറ്റിക്കല് ഡിപ്പാര്ട്ട്മെന്റിലേക്ക് സഞ്ജയ്ദാസും തേര്ഡ് ഡിസിയിലേക്ക് അമല്രാജുമാണ് തെരഞ്ഞെടുക്കപ്പെട്ടത്. തെരഞ്ഞെടുപ്പോടുകൂടി ഈ കോളജിലെ ശക്തമായ വിദ്യാര്ത്ഥി സംഘടനയായി എബിവിപി മാറിയിരിക്കുകയാണ്. യുഡിഎഫ് വിദ്യാര്ത്ഥി സംഘടനയായ കെഎസ്യു സഖ്യത്തിനും എസ്എഫ് ഐ അടങ്ങുന്ന ഇടതു വിദ്യാര്ത്ഥി സഖ്യത്തിനും വെല്ലുവിളി ഉയര്ത്തിക്കൊണ്ടാണ് എബിവിപി മുന്നേറ്റം നടത്തിയത്.
