കോഴിക്കോട്: കെ.വി.മോഹന്കുമാര് രചിച്ച ഉഷ്ണരാശി(പൂര്ണ പബ്ലിക്കേഷന്സ്), കുഞ്ഞനുറുമ്പും മാടപ്രാവും (ലിപി പബ്ലിക്കേഷന്സ്) എന്നീ പുസ്തകങ്ങള് പ്രകാശനം ചെയ്തു. ഉഷ്ണരാശി സാഹിത്യകാരന് എം.മുകുന്ദന് സിവിക്ചന്ദ്രന് നല്കിയും കുഞ്ഞനുറുമ്പും മാടപ്രാവും ജില്ലാകലക്ടര് എന്.പ്രശാന്ത് ആര്യാഗോപിക്ക് നല്കിയുമാ ണ് പ്രകാശനം ചെയ്തത്.
ഓര്മ്മകള് നഷ്ടപ്പെട്ടുകൊണ്ടിരിക്കുകയാണെന്നും അതു പ്രതിരോധമാണെന്ന് തിരിച്ചറിവിന് പോലും ആര്ക്കും നേരമില്ലാത്ത അവസ്ഥയായിരിക്കുകയാണെന്നും എം. മുകുന്ദന് പറഞ്ഞു. എം.കെ.രാഘവന് എംപി ഉദ്ഘാടനം ചെയ്തു. ദേശാഭിമാനി വാരിക എഡിറ്റര് ഡോ. കെ.പി. മോഹനന് പുസ്തകപരിചയം നടത്തി. സുധാരഞ്ജിത്ത് രചിച്ച കര്ണ്ണാടക സംഗീതപാഠം,പുസ്തകം ഡോ. കെ. ശ്രീകുമാറിന് നല്കി കൈത പ്രം ദാമോദരന് നമ്പൂതിരി പ്രകാശനം ചെയ്തു. ചിത്രകാരന് ജയകൃഷ്ണനെ ആദരിച്ചു.
ചടങ്ങില് കൈതപ്രം ദാമോദരന് നമ്പൂതിരി അധ്യക്ഷത വഹിച്ചു. യു.കെ.കുമാരന്, അഡ്വ. പി.എസ്. ശ്രീധരന്പിള്ള, പി.കെ. പാറക്കടവ്, പി.ജെ. ജോഷ്വ, നവാസ് പൂനൂര് എന്നിവര് സംസാരിച്ചു. കെ.വി. മോഹന്കുമാര്,സുധാരഞ്ജിത്ത് എന്നിവര് മറുപടി പ്രസംഗം നടത്തി. എന്.ഇ. ബാലകൃഷ്ണമാരാര്, എം.വി. അക്ബര് എന്നിവര് പങ്കെടുത്തു. എന്. ഇ. മനോഹരന് സ്വാഗതവും നൗഷാദ് അരീക്കോട് നന്ദിയും പറഞ്ഞു. തുടര്ന്ന് മേഘമല്ഹാര് ഗസല്സന്ധ്യ അരങ്ങേറി.
