കോഴിക്കോട്: ഗിരീഷ് മുള്ളങ്കണ്ടിയുടെ വിയോഗത്തിലൂടെ മാധ്യമപ്രവര്ത്തകര്ക്ക് നഷ്ടമായത് അടുത്ത സുഹൃത്തിനെയാണെന്ന് കോഴിക്കോട് പ്രസ്ക്ലബില് ചേര്ന്ന അനുശോചനയോഗം അഭിപ്രായപ്പെട്ടു. കോഴിക്കോടന് സായാഹ്ന സദസ്സുകളിലെ നിറസാന്നിധ്യമായിരുന്നു ഗിരീഷ് മുള്ളങ്കണ്ടി. ലാളിത്യം മുഖമുദ്രയാക്കി എല്ലാവരെയും സ്നേഹിച്ചും സംസാരിച്ചും നടന്ന ഗിരീഷ് കോഴിക്കോട്ടെ മാധ്യമപ്രവര്ത്തകരുടെ അടുത്ത മിത്രമായിരുന്നു. പ്രസ്ക്ലബ്ബുമായി അടുത്തബന്ധമായിരുന്നു അദ്ദേഹത്തിന്. പെട്ടെന്നുള്ള ഗിരീഷിന്റെ നിര്യാണം നമുക്ക് തീരാനഷ്ടമാണ്. ജന്മഭൂമിയിലൂടെ മാധ്യമപ്രവര്ത്തകനായി, പിന്നെ സര്ക്കാര് സര്വീസില് കയറിയപ്പോഴും എല്ലാമാധ്യമപ്രവര്ത്തകരുമായും ഉറ്റബന്ധം കാത്തുസൂക്ഷിക്കാന് അദ്ദേഹത്തിന് സാധിച്ചതായും യോഗത്തില് അവതരിപ്പിച്ച അനുശോചനപ്രമേയം അഭിപ്രായപ്പെട്ടു.
കോഴിക്കോട് പ്രസ്ക്ലബില് ചേര്ന്ന യോഗത്തില് പ്രസിഡന്റ് കമാല്വരദൂര് അധ്യക്ഷത വഹിച്ചു. ജന്മഭൂമി സബ്എഡിറ്റര് എം.കെ. രമേശ്കുമാര് അനുശോചന പ്രമേയം അവതരിപ്പിച്ചു. ജന്മഭൂമി ഡെപ്യൂട്ടി എഡിറ്റര് കെ. മോഹന്ദാസ്, കേസരി സഹപത്രാധിപര് ടി.വിജയന്, പ്രസ്ക്ലബ് സെക്രട്ടറി ടി.കെ. ബാലനാരായണന്, തേജസ് എഡിറ്റര് എന്.പി. ചെക്കൂട്ടി, പിആര്ഡി മുന് ഡെപ്യൂട്ടി ഡയറക്ടര് ടി. വേലായുധന്, ജില്ലാ ഇന്ഫര്മേഷന് ഓഫീസര് ഖാദര് പാലാഴി, മലബാര് ക്രിസ്ത്യന്കോളേജ് ചരിത്രവിഭാഗം മേധാവി എം.സി. വസിഷ്ഠ്, ഭാസി മലാപ്പറമ്പ്, പി.വി. ജീജോ(ദേശാഭിമാനി), എം. ജയതിലകന്(മംഗളം), സി. ശിവപ്രസാദ്(മലയാളമനോരമ) എന്നിവര് സംസാരിച്ചു.
കോഴിക്കോട് പ്രസ്ക്ലബ്ബില് നടന്ന ഗിരീഷ് മുള്ളങ്കണ്ടി അനുസ്മരണത്തില്
പിആര്ഡി മുന് ഡെപ്യൂട്ടി ഡയറക്ടര് ടി. വേലായുധന് സംസാരിക്കുന്നു
