പോലീസ് കള്ളക്കേസില്‍ കുടുക്കിയ ആര്‍എസ്എസ് പ്രവര്‍ത്തകര്‍ക്ക് ജാമ്യം

തൊടുപുഴ : പോലീസ് കള്ളക്കേസില്‍ കുടുക്കിയ ആര്‍എസ്എസ് പ്രവര്‍ത്തകര്‍ക്ക് കോടതി ജാമ്യം അനുവദിച്ചു. കാഞ്ഞിരമറ്റം സ്വദേശികളായ സുജിത്ത് സോമന്‍, ഷിബുമോന്‍, ഒളമറ്റം സ്വദേശിയായ സനേഷ് എന്നിവരെയാണ് നിരവധി വകുപ്പുകള്‍ ചുമത്തി കുടുക്കുവാന്‍ ശ്രമിച്ചത്. സിപിഎം ലോക്കല്‍ കമ്മറ്റി ഓഫീസ് ആക്രമിച്ചു എന്നാരോപിച്ചാണ് തൊടുപുഴ പോലീസ് ഇവരെ അറസ്റ്റ് ചെയ്തത്. ജാമ്യം ലഭിക്കാതിരിക്കാന്‍ പോലീസ് പല വാദമുഖങ്ങള്‍ പറഞ്ഞെങ്കിലും ഇതെല്ലാം കള്ളത്തരമാണെന്ന് കണ്ടെത്തിയ കോടതി ഇവര്‍ക്ക് ജാമ്യം അനുവദിക്കുകയായിരുന്നു. ഇവര്‍ പുറത്തിറങ്ങിയാല്‍ സംഘര്‍ഷ സാദ്ധ്യതയുണ്ട് എന്ന പോലീസ് ആരോപണവും കോടതി തള്ളി. 143, 147, 148, 447, 1230, 427, 452, 153, 149 ഐപിസി തുടങ്ങിയ വകുപ്പുകള്‍ പ്രകാരമാണ് കേസെടുത്തിരുന്നത്. സിപിഎം അനുഭാവ നിലപാടാണ് പോലീസ് കാട്ടുന്നതെന്ന് മുതിര്‍ന്ന നേതാക്കള്‍ ആരോപിച്ചു. പ്രതികള്‍ക്ക് വേണ്ടി അഡ്വ. കെ.എസ് ബിനു ഹാജരായി.