ആലപ്പുഴ: ഭഗവാന് ഉണ്ണിക്കണ്ണന്റെ പിറന്നാള് ഇന്ന്. ബാലഗോകുലത്തിന്റെ ആഭിമുഖ്യത്തില് നാടെങ്ങും ശോഭായാത്രകളും ഉറിയടികളും ശ്രീകൃഷ്ണ ജയന്തിആഘോഷത്തോടനുബന്ധിച്ച് നടക്കും. വിവിധ ക്ഷേത്രങ്ങളിലും പ്രത്യേക പൂജകളും വഴിപാടുകളും നടക്കും. ജില്ലയിലെ എട്ട് താലൂക്കുകളിലുമായി 72 ഓളം മഹാശോഭായാത്രകളാണ് നടക്കുക.
തുറവൂര് താലൂക്കില് ഒന്പത് മഹാശോഭായാത്രകളാണ് സംഘടിപ്പിച്ചിരിക്കുന്നത്. വയലാറില് കേരളാദിത്യപുരം ക്ഷേത്രത്തിലും, വെട്ടയ്ക്കലില് വെട്ടയ്ക്കല് ക്ഷേത്രത്തിലും, പട്ടണക്കാട് മേനാശേരി ക്ഷേത്രത്തിലും, തുറവൂരില് മന്നത്ത് ശ്രീകൃഷ്ണസ്വാമി ക്ഷേത്രത്തിലും, പറയകാട് പുത്തന്കാവ് ക്ഷേത്രത്തിലും, എഴുപുന്നയില് ശ്രീനാരായണപുരം ക്ഷേത്രത്തിലും, എരമല്ലൂരില് ശ്രീ പാര്ത്ഥസാരഥി ക്ഷേത്രത്തിലും, ചന്തിരൂരില് വള്ളിയില് ഭഗവതി ക്ഷേത്രത്തിലും, അരൂരില് കാവുമ്പായില് പള്ളീര്ക്കാവിലും സമാപിക്കും.
പാണാവള്ളി താലൂക്കിലെ എട്ട് മഹാ ശോഭായാത്രകള് നടക്കും. അരൂക്കുറ്റിയില് കുന്നുംപുറം സുബ്രഹ്മണ്യക്ഷേത്രത്തിലും, പാണാവള്ളി, പൂച്ചാക്കല്, മാക്കേക്കടവ് എന്നിവിടങ്ങളില് നിന്നുള്ള ശോഭായാത്രകള് ഇടപ്പംകുഴി ശ്രീകൃഷ്ണസ്വാമി ക്ഷേത്രത്തിലും, തൈക്കാട്ടുശേരിയില് തൈക്കാതൃക്കയിലും, പള്ളിപ്പുറത്ത് കളത്തില് ക്ഷേത്രത്തിലും, തിരുനല്ലൂരില് ഗോവിന്ദപുരം ക്ഷേത്രത്തിലും, പെരുമ്പളത്ത് അരയുകുളങ്ങര ക്ഷേത്രത്തിലും സമാപിക്കും.
ചേര്ത്തല താലൂക്കില് 12 മഹാശോഭായാത്രകള് നടക്കും. തണ്ണീര്മുക്കത്ത് ചാലിനാരായണപുരംക്ഷേത്രത്തിലും, വാരനാട് കൊക്കോതമംഗലം കോതക്കാട്ട് ധര്മശാസ്താ ക്ഷേത്രത്തിലും, നഗരത്തിലേത് കാര്ത്യായനി ക്ഷേത്രത്തിലും, മരുത്തോര്വട്ടത്ത് ധന്വന്തരി ക്ഷേത്രത്തിലും, പുത്തനങ്ങാടിയില് ഇലഞ്ഞാംകുളങ്ങര ദേവീ ക്ഷേത്രത്തിലും, ചെറുവാരണത്ത് ഭജനമഠം ശ്രീകൃഷ്ണ ക്ഷേത്രത്തിലും, അരീപ്പറകമ്പ് തിരുവിഴ മഹാദേവ ക്ഷേത്രത്തിലും, കുറുപ്പംകുളങ്ങരയില് അറവുകാട് ക്ഷേത്രത്തിലും, കടക്കരപ്പള്ളിയില് തങ്കിക്കവല ശക്തിനവിനായക ക്ഷേത്രത്തിലും, കണിച്ചുകുളങ്ങരയില് പശ്ചിമഘട്ടം ഭദ്രകാളീ ക്ഷേത്രത്തിലും, മുഹമ്മയില് പാലയ്ക്കല് ശ്രീകൃഷ്ണസ്വാമി ക്ഷേത്രത്തിലും, കഞ്ഞിക്കുഴിയില് കൂറ്റുവേലി ശ്രീരാമക്ഷേത്രത്തിലും സമാപിക്കും.
കലവൂര് താലൂക്കില് എട്ട് മഹാശോഭായാത്രകളാണ് നടക്കുക. ആര്യാട് പ്ലാപ്പള്ളി ശിവപാര്വതി ക്ഷേത്രത്തിലും, പാതിരപ്പള്ളിയില് പ്രീതികുളങ്ങര ക്ഷേത്രത്തിലും, കലവൂരില് കാരയ്ക്കല് മഹാവിഷ്ണു ക്ഷേത്രത്തിലും, കോമളപുരത്ത് വലിയകലവൂര് ശ്രീകൃഷ്ണക്ഷേത്രത്തിലും, മണ്ണഞ്ചേരിയില് വലിയവീട് ദേവീക്ഷേത്രത്തിലും, കാവുങ്കല് പൊന്നാട് വിജയവിലാസം ക്ഷേത്രത്തിലും, വളവനാട് കുന്നിനകത്ത് ഭഗവതി ക്ഷേത്രത്തിലും, മാരാരിക്കുളത്ത് വരകാടി ദേവീക്ഷേത്രത്തിലും സമാപിക്കും.
ആലപ്പുഴ താലൂക്കില് ആറ് മഹാശോഭായാത്ര നടക്കും. തുമ്പോളിയില് കളപ്പുര ഘണ്ടാകര്ണസ്വാമി ക്ഷേത്ര ത്തിലും, തോണ്ടംകുളങ്ങരയില് തോണ്ടംകുളങ്ങര ക്ഷേത്രത്തിലും, കൊറ്റംകുളങ്ങരയില് കൊറ്റംകുളങ്ങര ക്ഷേത്രത്തിലും, മുല്ലയ്ക്കലില് മുല്ലയ്ക്കല് ക്ഷേത്രത്തിലും, തിരുവമ്പാടി, കളര്കോട് എന്നിവിടിങ്ങളിലേത് തിരുവമ്പാടി ശ്രീകൃഷ്ണസ്വാമി ക്ഷേത്രത്തിലും സമാപിക്കും.
അമ്പലപ്പുഴ താലൂക്കില് ആറ് മഹാശോഭായാത്രകള് നടക്കും. തകഴിയില് ധര്മ്മശാസ്താ ക്ഷേത്രത്തിലും, അമ്പലപ്പുഴയില് ശ്രീകൃഷ്ണസ്വാമിക്ഷേത്രത്തിലും, പുറക്കാട് ഒറ്റപ്പന ക്ഷേത്രത്തിലും, വണ്ടാനത്ത് തേവരനട ശ്രീശങ്കരനാരായണ ക്ഷേത്രത്തിലും, പറവൂര്, പുന്നപ്ര എന്നിവിടങ്ങളിലേത് അറവുകാട് ദേവീക്ഷേത്രത്തിലും സമാപിക്കും.
കുട്ടനാട് താലൂക്കില് 14 മഹാശോഭായാത്രകള് നടക്കും. കൈനകരിയില് മേക്കാട്ട് ഭഗവതി ക്ഷേത്രത്തിലും, കല്ലംപള്ളിയില് കരിവിക്കൊട്ടാരം ശിവക്ഷേത്രത്തിലും, തെവലക്കാട്ട് മഠം ദേവീക്ഷേത്രത്തിലും, നെടുമുടി കൊട്ടാരം ഭഗവതി ക്ഷേത്രത്തിലും, തയ്യില് ക്ഷേത്രത്തിലും സമാപിക്കും. രാമങ്കരിയില് കുന്നുംകരിക്കുളം ക്ഷേത്രത്തിലും, മങ്കൊമ്പ് മങ്കൊമ്പ് ക്ഷേത്രത്തിലും, ചതുര്ത്ഥ്യാകരി അയ്യപ്പ സേവാസംഘം അമ്പലത്തിലും, കണ്ണാടിയില് തട്ടാശേരി എസ്എന്ഡിപി ഗ്രൗണ്ടിലും, കിടങ്ങറയില് കൃഷണപുരത്തേത് വടക്കും വെളിയനാട് ശാസ്താക്ഷേത്രത്തിലും, വെളിയനാട് നിന്ന് കാക്കനാട് ക്ഷേത്രത്തിലും, കിടങ്ങറ ശാസ്താ ക്ഷേത്രത്തില് നിന്ന് ചെറുവള്ളിക്കാവ് ക്ഷേത്രത്തിലും സമാപിക്കും.
എടത്വ താലൂക്കില് എട്ട് മഹാശോഭായാത്രകള് നടക്കും. എടത്വയില് കണ്ടംകരി കൊച്ചുശാസ്താക്ഷേത്രത്തിലും, ചക്കുളത്ത്കാവ് ദേവീക്ഷേത്രത്തിലും, പുതുക്കരി ദേവീ ക്ഷേത്രത്തിലും, തലവടിയില് ചക്കുളത്ത് കാവിലും, രാമങ്കരിയില് കൊടുപ്പുന്നക്കാവ് ദേവീ ക്ഷേത്രത്തിലും, ശ്രീധര്മശാസ്താ ക്ഷേത്രത്തിലും, ചമ്പക്കുളത്ത് ചമ്പക്കുളം പടിപ്പുരയ്ക്കല് ക്ഷേത്രത്തിലും, കണ്ടംകരി ക്ഷേത്രത്തിലും സമാപിക്കും.
