ആലപ്പുഴ : സര്‍ക്കാര്‍ സ്ഥാപനമായ ഹോര്‍ട്ടി കോര്‍പ്പിന്റെ ആഭിമുഖ്യത്തില്‍ നടക്കുന്ന ഓണം ഫെയറിലുടെ നേന്ത്രക്കായ ഉള്‍പ്പടെ നാടന്‍ പഴങ്ങളും പച്ചക്കറികളും പൊതുവിപണിയെകാള്‍ കുറഞ്ഞ നിരക്കില്‍ പൊതുജനങ്ങള്‍ക്ക് ലഭ്യമാകും. കേരളത്തിലെ കര്‍ഷകര്‍ കര്‍ഷക വിപണികള്‍, കൃഷി വകുപ്പ് വിപണികള്‍, മറ്റ് കാര്‍ഷിക കൂട്ടായ്‌മകള്‍, മൂന്നാര്‍- കാന്തലൂര്‍ – വട്ടവട എന്നിവിടങ്ങളിലെ ശീതകാല പച്ചക്കറികള്‍ എന്നിവയാണ് കുറഞ്ഞ നിരക്കില്‍ ഹോര്‍ട്ടി കോര്‍പ്പിന്റെ ഓണംഫെയറിലൂടെ ലഭ്യമാക്കുന്നത്.
ആലപ്പുഴ ടൗണ്‍ പരിസരങ്ങളില്‍ പ്രവര്‍ത്തിക്കുന്ന ഹോര്‍ട്ടി കോര്‍പ്പ് ഡിസ്ട്രിക്റ്റ് ഓണം ഫെയറായ വൈഎംസിഎ ഫെയര്‍, തലവടി സുബ്രമണ്യപുരം, ആലപ്പുഴ ഗവണ്‍മെന്റെ ഗേള്‍സ് ഹൈസ്‌കൂള്‍, കളക്‌ട്രേറ്റ്, പവര്‍ഹൗസ്, ഡിസ്ട്രിക്റ്റ് കോര്‍ട്ട്, ഡിറ്റിപിസി, കലവൂര്‍,പാതിരാപള്ളി,മുഹമ്മ,ചേര്‍ത്തല,കഞ്ഞിക്കുഴി, പൂച്ചാക്കല്‍, എന്നിവിടങ്ങളില്‍ പ്രവര്‍ത്തിക്കുന്ന ഓണം ഫെയറുകളിലൂടെയും,ജില്ലയുടെ വിവിധ ഭാഗങ്ങളില്‍ പ്രവര്‍ത്തിക്കുന്ന ഹരിത ലൈസന്‍സി സ്റ്റാളുകളിലൂടെയും തേനുകള്‍,നാടന്‍ കുട്ടനാടന്‍ അരി മറ്റ് മൂല്യവര്‍ദ്ധിത ഉല്‍പന്നങ്ങളും ലഭ്യമാണ്.
