ദമാസ്ക്കസ്: സിറിയയിലെ പല്മിറയിലെ പുരാതന റോമന് ക്ഷേത്രം ഐഎസ് ഭീകരര് തകര്ത്തു. ഏറെ പഴക്കമുള്ള ബാല്ഷാമിന് ക്ഷേത്രമാണു സ്ഫോടകവസ്തുക്കള് ഉപയോഗിച്ചു ഭീകരര് തകര്ത്തത്. ഒട്ടേറെ പൗരാണിക, പൈതൃക ശേഷിപ്പുകളുള്ള സ്ഥലമാണു പല്മിറ.
പല്മീറയുടെ നിയന്ത്രണം കഴിഞ്ഞ മെയ് മാസത്തിലാണ് ഐഎസ് ഭീകരര് കൈക്കലാക്കിയത്. ഇതിനു ശേഷം നിരവധി പൈതൃക കേന്ദ്രങ്ങള് നശിപ്പിക്കപ്പെട്ടതായാണു റിപ്പോര്ട്ടുകള്. ഈ ക്ഷേത്രത്തിന്റെ ഭാവി മുന്പ് തന്നെ ആശങ്കയിലായിരുന്നു.
അടുത്തതായി ഭീകരര് ജനങ്ങളെ ബുദ്ധിമുട്ടിലാക്കുമെന്നും അവര് ക്ഷേത്രങ്ങള് നശിപ്പിക്കാന് തുടങ്ങുമെന്നും തങ്ങള് പല തവണ പറഞ്ഞിരുന്നതാണെന്ന് രാജ്യത്തെ പുരാവസ്തു വകുപ്പ് തലവന് മാമൗന് അബ്ദുള് കരീം പറഞ്ഞു. തന്റെ കണ്മുന്നില് പാല്മൈര നശിപ്പിക്കപ്പെടുകയാണെന്നും ഇനി വരാനിരിക്കുന്ന ദിവസങ്ങളില് ദൈവം തങ്ങളെ സഹായിക്കുമെന്നും അദ്ദേഹം പറഞ്ഞു. ഇതോടൊപ്പം ഭീകരര് സ്വര്ണത്തിന് വേണ്ടി ഘനനം നടത്താനും പട്ടണത്തിന്റെ നിധികള് കവരാനായി അനധികൃതമായി കുഴിക്കാനുള്ള ലൈസന്സ് നല്കാനും ആരംഭിച്ചതായും മാമൗന് അബ്ദുള് കരീം വ്യക്തമാക്കി.
പാല്മൈരയിലെ പുരാവസ്തു വകുപ്പിന്റെ തലവനായി 50 വര്ഷത്തോളം പ്രവര്ത്തിച്ച ഖാലിദ് ആസാദ് എന്ന പണ്ഡിതനെ ഐഎസ്് തടഞ്ഞുവച്ച് ചോദ്യം ചെയ്യുകയും ഒരാഴ്ച മുമ്പ് തലവെട്ടി കൊല്ലുകയും ചെയ്തിരുന്നു.
