ബീജിങ്: രാജ്യത്തിന്റെ ദക്ഷിണ സമുദ്ര പ്രദേശത്തുനിന്ന്, അതിരഹസ്യ ചാരവൃത്തിയ്ക്കുപയോഗിക്കുന്ന യന്ത്രം കണ്ടെത്തിയതായതി ചൈന.
സമുദ്രാന്തര്ഭാഗത്ത് സ്ഥാപിച്ച്, സുരക്ഷയെ ബാധിക്കുന്ന രഹസ്യവിവരങ്ങള് ചോര്ത്താന് പര്യാപ്തമാണ് ഈ ഉപകരണമെന്ന് അവിടത്തെ ദേശീയ സുരക്ഷാ ബ്യൂറോ അവകാശപ്പെടുന്നു.
ടോര്പിഡോ- സമുദ്രാന്തര്ഭാഗത്തു സ്ഫോടനങ്ങള് നടത്താന് കഴിയുന്ന സംവിധാനം- പോലുള്ള, ഒരു മീറ്റര് നീളമുള്ള ഉപകരണം ഹൈനാന് പ്രവിശ്യയില്നിന്നാണ് ഹുവാങ് യുനാലിക്ക് മീന്പിടുത്തത്തിനിടെ മൂന്നുവര്ഷം മുമ്പ് കിട്ടിയത്. അയാള് അതിന്റെ ചിത്രം പകര്ത്തിയശേഷം സുരക്ഷാ വിഭാഗത്തെ അറിയിച്ചു കൈമാറി.
ഇപ്പോള് ഏറെ നാളത്തെ പരിശോധനകള്ക്കു ശേഷമാണ് ഒപ്റ്റിക് ഫൈബര് ചിത്രങ്ങളെടുക്കാനും സാറ്റലൈറ്റ് ആശയവിനിമയത്തിനും സഹായിക്കുന്നതാണ് ഈ ഉപകരണമെന്ന് മനസിലായതെന്ന് ചൈന വിശദീകരിക്കുന്നു. ഏതെങ്കിലും രാജ്യം ചാരപ്രവര്ത്തനത്തിനു നിക്ഷേപിച്ചതാകാമെന്നാണ് വാദം.
എന്നാല് ഏതു രാജ്യമെന്നൊന്നും അഭിപ്രായപ്പെടുന്നില്ല, മാത്രമല്ല, മൂന്നുവര്ഷം മുമ്പ് കിട്ടിയ ഉപകരണത്തെക്കുറിച്ച് ഇപ്പോള് വെളിപ്പെടുത്തല് വന്നതെന്തു സാഹചര്യത്തിലാണെന്ന കാര്യത്തിലും സംശയങ്ങള് ഏറെയുണ്ട്.
