വിവിധ ഉദ്യോഗസ്ഥരുടെ പേരു പറഞ്ഞ് വ്യാപക തട്ടിപ്പു നടത്തിയിട്ടുള്ള ആളാണ് പ്രതി. പലയിടത്തും പല പേരുകളില് പ്രത്യക്ഷപ്പെടുന്ന തട്ടിപ്പുവീരന് അടിമാലി,
കൂമ്പന്പാറ എന്നിവിടങ്ങളില് സെക്യൂരിറ്റി സര്വീസ് നടത്താനെന്ന പേരില് മുറികള് വാടകയ്ക്കെടുത്തിട്ടുണ്ട.്
അടിമാലി : ക്രൈംബ്രാഞ്ച് ഓഫീസര് ചമഞ്ഞ് ടാക്സികാര് തട്ടിയെടുക്കാന് ശ്രമിച്ച യുവാവിനെ പോലീസ് അന്വഷിക്കുന്നതിനിടെ സാമ്പത്തിക തട്ടിപ്പ് കേസില് പോലീസ് പിടിയിലായി. കോട്ടയം വെള്ളൂര് ഇരുമ്പയം വേണാട്ട് മനു സ്റ്റാലിന് (25) ആണ് അടിമാലി പോലീസിന്റെ പിടിയിലായത്. ഈ മാസം 12ന് സ്റ്റാന്ഡിലെ ഡ്രൈവറായ കാളക്കുഴിയില് സൈനുദീനെയാണ് കാര് ഓട്ടം വിളിച്ച് വാഹനം തട്ടിയെടുക്കുവാന് ശ്രമിച്ചത്. ഈ സംഭവത്തില് മനുവിനെ പോലീസ് അന്വഷിക്കുന്നതിനിടെയാണ് അടിമാലി കാംകോ ജംഗ്ഷനില് വര്ക്ക് ഷോപ്പ് നടത്തുന്ന അനീഷിനെ കബിളിപ്പിച്ച് 49,000 രൂപ തട്ടിയെടുത്ത കേസില് ഇയാളെ പോലീസ് അറസ്റ്റ് ചെയ്തത്. അനീഷിന് പട്ടാള ക്യാമ്പില് ഉപയോഗിക്കുന്ന മോഡലിലുള്ള ബുള്ളറ്റ് നല്കാമെന്ന് വിശ്വസിപ്പിച്ച് പണം തട്ടിയെടുക്കുകയായിരുന്നു. അടിമാലി ടൗണില് നിന്നും ടാക്സി വിളിച്ച ഇയാള് താന് മൂന്നാര് ക്രൈംബ്രാഞ്ചിലെ ഉദ്യോഗസ്ഥനാണെന്നും പിറവത്ത് പ്രതിയെ പിടിക്കുന്നതിന് പോകണമെന്ന് പറഞ്ഞ് കാറില് കയറുകയായിരുന്നു. സൈനുദീന്റെ ക്വാളിസ് കാറില് നേര്യമംഗലം വനമേഖലയിലെത്തിയപ്പോള് ഇയാള് വാഹനത്തിലിരുന്ന് മദ്യപിക്കുകയും ഡ്രൈവറെ മദ്യപിക്കുവാന് പ്രേരിപ്പിക്കുകയും ചെയ്തു.
തുടര്ന്നുള്ള ഇയാളുടെ സംസാരത്തിലും പ്രവര്ത്തിയിലും ഡ്രൈവര്ക്ക് സംശയം തോന്നി. നേര്യമംഗലത്തിനു മുന്പായി വാഹനം നിര്ത്തുവാന് ഇയാള് ആവശ്യപ്പെട്ടു. ഭയപ്പാടിലായ സൈനുദീന് വാഹനം നിര്ത്താതെ കോതമംഗലം പോലീസ് സ്റ്റേഷനിലേക്ക് ഓടിച്ചുകയറ്റി. ഈ സമയം മനോജ്കുമാര് വാഹനത്തില് നിന്നും ഇറങ്ങി ഓടി രക്ഷപെടാന് ശ്രമിച്ചു. ഇതോടെ ഡ്രൈവര് വാഹനം പുറത്തുനിന്നും പൂട്ടി പോലീസിനെ വിളിച്ചു. തുടര്ന്ന് നടത്തിയ ചോദ്യം ചെയ്യലില് തനിക്ക് മൂവാറ്റുപുഴക്ക് വാഹനം ലഭിക്കാതെ വന്നപ്പോള് ക്വാളിസ് വിളിച്ചതായി പോലീസില് പറഞ്ഞു.
ഇതോടെ ഡ്രൈവര് സൈനുദ്ധീന് അടിമാലിയില് തിരികെയെത്തി അടിമാലി സി.ഐ. സജി മര്ക്കോസിന് പരാതി നല്കി. ഈ കേസില് ഇയാളെ അടിമാലി സിഐ അന്വേഷിക്കുന്നതിനിടെയാണ് പണം തട്ടിപ്പ് കേസില് അടിമാലി മാതാ തിയ്യറ്ററിന് സമീപത്തുവെച്ച് അടിമാലി എസ്ഐ ലാല്സി ബേബി ഞായറാഴ്ച്ച ഉച്ചയോടെ അറസ്റ്റ് ചെയ്തത്്.
