ചെറുതോണി: ഇടുക്കി ഡാം സന്ദര്ശനത്തിനെത്തിയ 18 പേര്ക്ക് കടന്നല് കുത്തേറ്റു. ചെറുതോണി ഡാമിന്റെ ഷട്ടറിന്റെ സമീപത്തായി കൂട് കൂട്ടിയിരുന്ന കടന്നല് കൂട്ടത്തെ കാക്കകള് ആക്രമിച്ചതു മൂലമാണ് ജനങ്ങള്ക്ക് നേരെ ആക്രമണമുണ്ടായത്. ഇന്നലെ വൈകിട്ട് 4.30 നായിരുന്നു സംഭവം. ഈ സമയം ഇരുന്നൂറോളം പേര് ചെറുതോണി ഡാമിനു മുകളിലുണ്ടായിരുന്നു. കടന്നല് ആക്രമിച്ചതോടെ ആളുകള് പരിഭ്രാന്തരായി. പരിക്കേറ്റവരെ പോലീസ് ഇടപെട്ട് ഇടുക്കി മെഡിക്കല് കോളേജില് പ്രവേശിപ്പിച്ചു. വയനാട്, കോട്ടയം ഉള്പ്പടെ കേരളത്തിന്റെ വിവിധ മേഖലകളില് നിന്നുള്ള സന്ദര്ശകര്ക്കാണ് പരിക്കേറ്റത്. ഇതില് ആറു കുട്ടികളും ഉള്പ്പെടുന്നു. മൂന്നു പേര്ക്കാണ് കൂടുതല് പരിക്കേറ്റത്. പ്രാഥമിക ശുശ്രൂഷയ്ക്ക് ശേഷം പരിക്കേറ്റവര് മടങ്ങി.
ഇടുക്കി ഡാം സന്ദര്ശകര്ക്ക് കടന്നല് കുത്തേറ്റു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.