ആലപ്പുഴ: അപകടത്തില്പ്പെട്ട് രോഗിയുമായി ചെല്ലുമ്പോള് ഡോക്ടര്മാരെ ദൈവത്തെപ്പോലെയാണ് കാണുന്നതെന്നും അത്തരം സന്ദര്ഭങ്ങളില് അവര് ജീവന് രക്ഷാ ദൗത്യത്തിന്റെ വലിയ മാഹാത്മ്യം മറക്കരുതെന്നും കെ.സി.വേണുഗോപാല് എം.പി.പറഞ്ഞു. മെഡിക്കല് കോളജിന്റെ കാഷ്വാലിറ്റി സംവിധാനം കുറേക്കൂടി കാര്യക്ഷമവും ശക്തവുമാകേണ്തുണ്െന്ന് അദ്ദേഹം ചൂണ്ിക്കാട്ടി. സംസ്ഥാന യുവജനക്ഷേമ ബോര്ഡ് ജില്ലാ യുവജനകേന്ദ്രം, നാഷണല് സര്വ്വീസ് സ്കീമിന്റെ സഹകരണത്തോടെ സംഘടിപ്പിച്ച ജീവദായിനി രക്തദാനക്യാമ്പ് ജില്ലാതല ഉദ്ഘാടനം വണ്ടാനം മെഡിക്കല് കോളജില് നിര്വഹിച്ച് സംസാരിക്കുകയായിരുന്നു അദ്ദേഹം.
ജില്ലയിലെ യൂത്ത് കോ- ഓര്ഡിനേറ്റര്മാര്, ക്ലബ് അംഗങ്ങള്, കോളജ്, പോളിടെക്നിക്ക് എന്നിവിടങ്ങളിലെ വിദ്യാര്ത്ഥികള് എന്നിവരെ അണിചേര്ത്താണ് ജീവദായിനി രക്തദാനപദ്ധതിക്ക് രൂപം നല്കിയിട്ടുള്ളത്.പദ്ധതിയുടെ ഭാഗമായി ഒരു വര്ഷക്കാലം ജില്ലയിലെ വിവിധ സ്ഥലങ്ങള് കേന്ദ്രീകരിച്ച് രക്തദാനം സംഘടിപ്പിക്കുകയും രക്തദാനസേന രൂപീകരിക്കുകയും ചെയ്യും.
പ്രതികരിക്കാൻ ഇവിടെ എഴുതുക: