കുട്ടനാട്: മിത്രക്കരി പ്രദേശത്തെ ഇടത്തോടുകളിലെ പോളപ്പായല് നീക്കം ചെയ്യുക, കുടിവെള്ള ക്ഷാമം പരിഹരിക്കുകതുടങ്ങിയ ആവശ്യങ്ങള് ഉന്നയിച്ച് ബിജെപി മുട്ടാര് പഞ്ചായത്ത് കമ്മറ്റിയുടെ ആഭിമുഖ്യത്തില് ഗ്രാമപഞ്ചായത്ത് ഓഫീസിലേക്ക് മാര്ച്ച് നടത്തി. നിയോജക മണ്ഡലം പ്രസിഡന്റ് എം.ആര്. സജീവ് ഉദ്ഘാടനം ചെയ്തു.
പഞ്ചായത്ത് കമ്മറ്റി പ്രസിഡന്റ് എസ്.വി. സുരേഷ്കുമാര് അദ്ധ്യക്ഷത വഹിച്ചു. നിയോജക മണ്ഡലം ട്രഷറര് സുരേഷ് പര്യാത്ത്, പി.എന്. രാജുക്കുട്ടി, ഭാര്ഗവന്, പഞ്ചായത്തംഗം കൃഷ്ണകുമാര് തുടങ്ങിയവര് പ്രസംഗിച്ചു. പ്രദേശത്ത് കുടിവെള്ള വിതരണത്തില് ഗ്രാമഞ്ചായത്ത് അംഗങ്ങള് പക്ഷപാതിത്വം കാണിക്കുകയാണ്.
രൂക്ഷമായ കുടിവെള്ള ക്ഷാമമാണ് ഇവിടെ അനുഭവപ്പെടുന്നത്. ഇടത്തോടുകളിലെ വെള്ളമാണ് പ്രാഥമികാവശ്യങ്ങള്ക്ക് ഉപയോഗിച്ചിരുന്നത്. എന്നാല് പോളശല്യം മൂലം തോടുകളിലെ വെള്ളം ഉപയോഗിക്കാന് കഴിയുന്നില്ല. നിരവധി തവണ നാട്ടുകാര് പരാതി നല്കിയെങ്കിലും നടപടിയുണ്ടാകാത്ത സാഹചര്യത്തിലാണ് ബിജെപി പ്രക്ഷോഭ രംഗത്തിറങ്ങിയത്.
