ഒരിക്കല് പാര്വതീദേവി കുളിക്കാനായി സ്നാനാഗാരത്തില് പ്രവേശിച്ചപ്പോള് ആരും അവിടെ കടന്നുചെല്ലാതിരിക്കാന് ഗണേശനെ കാവലാക്കി. ദേവി സ്നാനമാരംഭിച്ചപ്പോള് ശ്രീപരമേശ്വരന് സ്നാനാലയത്തില് പ്രവേശിക്കാന് തുനിഞ്ഞു. ബാലഗണേശന് പിതാവിനെ തടഞ്ഞു. കോപിച്ച ശ്രീപരമേശ്വരന് കുട്ടിയുടെ ശിരസ്സ് തന്റെ ത്രിശൂലംകൊണ്ടു മുറിച്ചു.
ഗണേശന്റെ തലമുറിയുക മാത്രമല്ല ഭസ്മമായി പോകുകയും ചെയ്തു. മകന്റെ തല പോയതറിഞ്ഞ പാര്വതീദേവിയുടെ കോപത്തില് സമസ്ത പ്രപഞ്ചങ്ങളും നശിക്കുമെന്നു ഭയന്ന ദേവസമൂഹവും ത്രിമൂര്ത്തികളും ദേവിയോടു മാപ്പപേക്ഷിച്ചു.
ഗണേശന്റെ ശിരസ്സ് ത്രിശൂലമേറ്റ് ഭസ്മമായി പോയതുകൊണ്ട് അടുത്തുണ്ടായിരുന്ന ഒരു ആനയുടെ തല ഗണേശന്റെ ഉടലില് ചേര്ത്തുവച്ച് ബ്രഹ്മദേവന് ഗണേശനെ ജീവിപ്പിച്ചു. അങ്ങനെ ഗണേശന് ഗജമുഖനായി വീണ്ടും ജനിച്ചു.
സ്കന്ദന്റെ ജനനത്തെക്കുറിച്ചുള്ള കഥ ചുവടെ ചേര്ക്കുന്നു. ശിവപാര്വതിമാരുടെ സുരതക്രീഡയില് സ്ഖലിച്ച ശിവരേതസ്സ് താങ്ങാന് അഗ്നിയും ഗംഗയും ശ്രമിച്ചു. അവര് പരാജയപ്പെട്ടപ്പോള് ഗംഗ അതിനെ ഒരു ശരവണക്കാട്ടില് നിക്ഷേപിച്ചു. അതില് നിന്ന് ശിശുവായ സ്കന്ദന് ജനിച്ചു.
ഗണേശനും സ്കന്ദനും ജന്മം നല്കിയ ശക്തി സ്വരൂപിണിയായ ശ്രീപാര്വതിയാണു മൂകാംബികാദേവി.
… തുടരും
പ്രതികരിക്കാൻ ഇവിടെ എഴുതുക: