കൊല്ക്കത്ത: ആഗോള ഫുട്ബോളില് ഭാരതത്തിന് കരുത്തുറ്റ സാന്നിധ്യമാകാന് അടിത്തട്ടിലുള്ള കായിക വികസനത്തിനും മികച്ച അടിസ്ഥാന സൗകര്യങ്ങള്ക്കും ഊന്നല് നല്കണമെന്ന് ബ്രസീലിയന് ഫുട്ബോള് ഇതിഹാസം കഫു. രണ്ട് തവണ ലോകകപ്പ് കിരീടം നേടിയ ബ്രസീല് ടീമില് അംഗമായിരുന്ന കഫു 2002ല് ലോകകിരീടം നേടിയ ടീമിന്റെ നായകനുമായിരുന്നു. പശ്ചിമ ബംഗാളില് രണ്ട് ദിവസത്തെ സന്ദര്ശനത്തിനിടെയാണ് ഭാരത ഫുട്ബോളിന്റെ ഭാവിയെക്കുറിച്ചുള്ള നിര്ണായക കാഴ്ചപ്പാടുകള് പങ്കുവെച്ചത്.
കൊല്ക്കത്തയില് ബംഗാള് നാഷണല് ചേംബര് ഓഫ് കൊമേഴ്സ് ആന്ഡ് ഇന്ഡസ്ട്രി സംഘടിപ്പിച്ച ‘ദി ഫ്യൂച്ചര് ഓഫ് ഫുട്ബോള് ഇന് ഇന്ത്യ’ എന്ന ചര്ച്ചാ പരിപാടിയിലും കഫു പങ്കെടുത്തു.
കരിയറിലെ ഏറ്റവും അവിസ്മരണീയമായ നിമിഷം ലോകകപ്പ് കിരീടം കൈകളിലേറ്റിയതാണെന്നും അദ്ദേഹം ഓര്ത്തെടുത്തു. മന്ത്രി തപസ് റോയ്, സത്യം റോയ് ചൗധരി തുടങ്ങിയ പ്രമുഖര് ചടങ്ങില് കഫുവിനെ ആദരിച്ചു.
