ആലപ്പുഴ: മദ്യപിച്ച് ബൈക്കോടിച്ച യുവാവിനെ കസ്റ്റഡിയിലെടുത്തു. കൈനകരി വാരിയത്തുവീട്ടില്‍ നിതീഷാണ് പോലീസ് പിടിയിലായത്. ഇയാളും ഭാര്യയും രണ്ടു വയസായ കുട്ടിയുമായി കൈനകരിയില്‍ നിന്നും അമ്പലപ്പുഴ ഭാഗത്തേക്ക് പോകുന്ന വഴിയാണ് പോലീസിന്റെ പിടിയിലായത്. ഭാര്യയെ പിന്‍സീറ്റിലിരുത്തി കുട്ടിയെ മുന്‍ഭാഗത്തെ പെട്രോള്‍ ടാങ്കില്‍ ഉറക്കി കിടത്തിയാണ് ഇയാള്‍ അമിതവേഗതയിലും അലക്ഷ്യമായും ബൈക്കോടിച്ചത്. ഇന്നലെ വൈകിട്ടായിരുന്നു സംഭവം. വിവരം പറവൂര്‍ ഭാഗത്തുനിന്നും പുന്നപ്ര എസ്‌ഐ: സാംമോനെ അറിയിച്ചതിനെ തുടര്‍ന്ന് പുന്നപ്ര പോലീസ് സ്‌റ്റേഷന് സമീപം ബൈക്കിന് കൈകാണിച്ച് നിര്‍ത്തുകയായിരുന്നു. പരിശോധനയില്‍ ഇയാള്‍ അമിതമായി മദ്യം കഴിച്ചതായി ബോധ്യപ്പെട്ടു. രണ്ടു വയസുള്ള കുട്ടി പെട്രോള്‍ ടാങ്കിന്റെ മുകളില്‍ സുഖനിദ്രയിലായിരുന്നു. വാഹനം കസ്റ്റഡിയില്‍ എടുത്തതിനെ തുടര്‍ന്ന് വന്‍ദുരന്തമൊഴിവാകുകയും അപകടത്തില്‍ നിന്നും ഇവര്‍ രക്ഷപെടുകയായിരുന്നു. പിന്നീട് നിതീഷിനെ കുടുംബത്തേടൊപ്പം വിട്ടയയ്‌ക്കുകയും ബൈക്ക് കസ്റ്റഡിയിലെടുക്കുകയായിരുന്നു.
മദ്യപിച്ച് ബൈക്കോടിച്ച യുവാവ് പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.