കൊച്ചി: മുന്‍ നിര ഭക്ഷ്യോല്‍പ്പന്ന കമ്പനിയായ തായ്‌ലന്റിലെ സിപി ഫുഡ്‌സിന്റെ ഭാഗമായ ഫൈവ്സ്റ്റാര്‍ ചിക്കന്‍ കേരളത്തില്‍ സാന്നിധ്യം ശക്തമാക്കുന്നു. എറണാകുളം, തൃശൂര്‍, മലപ്പുറം, കോഴിക്കോട്, കണ്ണൂര്‍ ജില്ലകളിലായി 22 ഔട്ട്‌ലെറ്റുകളാണ് ഫൈവ്സ്റ്റാര്‍ ചിക്കനുള്ളത്. തിരുവനന്തപുരം, പത്തനംതിട്ട, കൊല്ലം, ആലപ്പുഴ ജില്ലകളിലേയ്‌ക്കും ഉടന്‍ പ്രവര്‍ത്തനം വ്യാപിപ്പിക്കുമെന്ന് സിപി ഫുഡ്‌സ്-ഫൈവ്സ്റ്റാര്‍ ചിക്കന്‍ സീനിയര്‍ വൈസ് പ്രസിഡന്റ് സഞ്ജീവ് പാന്ത് വാര്‍ത്താസമ്മേളനത്തില്‍ പറഞ്ഞു.
തായ്‌ലന്റ്, മ്യാന്‍വര്‍, കമ്പോഡിയ, വിയറ്റ്‌നാം, ലാവോസ്, മലേഷ്യ, ചൈന, ബംഗ്ലാദേശ്, ഇന്ത്യ എന്നീ ഒമ്പത്് രാജ്യങ്ങളിലായി 7000 ത്തിലേറെ ഒട്ട്‌ലെറ്റുകളാണുള്ളത്. ഉപഭോക്താവിന്റെ താല്‍പര്യമനുസരിച്ച് പ്രാദേശിക രുചിയും ഫ്‌ളേവറും അനുസരിച്ച് ഉല്‍പ്പന്നങ്ങള്‍ വികസിപ്പിച്ചെടുക്കുകയാണ് ഫൈവ്സ്റ്റാര്‍ ചിക്കന്‍ ചെയ്യുന്നതെന്നും അദ്ദേഹം പറഞ്ഞു.
സ്‌പൈസി ഇന്ത്യന്‍, ഏഷ്യന്‍, തായ് രുചിക്കൂട്ടുകളില്‍ വൈവിധ്യമാര്‍ന്ന ചിക്കന്‍ വിഭവങ്ങളുടെ ശ്രേണിയാണ് ഔട്ട്‌ലെറ്റുകളില്‍ ഒരുക്കിയിരിക്കുന്നതെന്നും സഞ്ജീവ് പാന്ത് പറഞ്ഞു. കേരളത്തിലെ ഔട്ട്‌ലെറ്റുകളുടെ ചുമതലയുള്ള ബോബി ജോര്‍ജ്, ബിജോയ് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
