അങ്കമാലി: അങ്കമാലി മര്ച്ചന്റ്സ് യൂണിയന് സംഘടിപ്പിച്ച അഖിലകേരള സെവന്സ് ഫുട്ബോള് ടൂര്ണമെന്റില് അങ്കമാലി ഗേലോഡ് ജേതാക്കളായി. ആവേശകരമായ ഫൈനലില് മാള ജക്കാമയെ ഏകപക്ഷീയമായ ഒരു ഗോളിനാണ് ഗേലോഡ് പരാജയപ്പെടുത്തിയത്.
വെറ്ററന്സ് വിഭാഗത്തില് അങ്കമാലി സെവന്സ് ഏകപക്ഷീയമായ രണ്ടു ഗോളുകള്ക്ക് കാലടി പെരിയാര് റൈസിനെ പരാജയപ്പെടുത്തി കിരീടംചൂടി. നഗരസഭാ ചെയര്മാന് ബെന്നി മൂഞ്ഞേലി ഫൈനല് മത്സരം ഉദ്ഘാടനം ചെയ്തു. സമാപനസമ്മേളനത്തില് ഔഷധി ചെയര്മാന് അഡ്വ. ജോണി നെല്ലൂര് വിജയികള്ക്കുള്ള സമ്മാനദാനം നടത്തി.
വിജയികള്ക്ക് പുത്തേന് ആന്റണി മെമ്മോറിയല് ട്രോഫിയും കാഷ് അവാര്ഡും റണ്ണേഴ്സ് അപ്പിന് മദേഴ്സ് റൈസ് ട്രോഫിയും കാഷ് അവാര്ഡും സമ്മാനിച്ചു. ഗേലോഡിന്റെ മനു ജോണ്സണ് ബെസ്റ്റ് പ്ലെയറായി തെരഞ്ഞെടുക്കപ്പെട്ടു. വെറ്ററന്സ് വിഭാഗത്തില് അങ്കമാലി സെവന്സിന്റെ പി.എ. മാര്ട്ടിന് ബെസ്റ്റ് പ്ലെയര് ട്രോഫി കരസ്ഥമാക്കി.
മര്ച്ചന്റ്സ് യൂണിയന് പ്രസിഡന്റ് എം.യു. മാര്ട്ടിന് അധ്യക്ഷത വഹിച്ചു. വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് ജോജി പീറ്റര് മുഖ്യാതിഥിയായിരുന്നു. മേഖലാ പ്രസിഡന്റ് പി.എ. തോമസ്, ടൂര്ണമെന്റ് ജനറല് കണ്വീനര് കെ.എ. ദേവസിക്കുഞ്ഞ്, കണ്വീനര് എം.എം. മാര്ട്ടിന്, മദേഴ്സ് റൈസ് മാനേജിംഗ് ഡയറക്ടര് വര്ക്കി പീറ്റര്, മര്ച്ചന്റ്സ് യൂണിയന് ഭാരവാഹികളായ മാര്ട്ടിന് കെ.ജയിംസ്, സി.ഡി. ജോയി എന്നിവര് പ്രസംഗിച്ചു.
