ആലപ്പുഴ: യോഗക്ഷേമസഭ ജില്ലാ സമിതിയുടെ ആഭിമുഖ്യത്തില് ഏപ്രില് 23ന് ശ്രീ ശങ്കരജയന്തി ആഘോഷിക്കുമെന്ന് ഭാരവാഹികള് പത്രസമ്മേളനത്തില് അറിയിച്ചു. അമ്പലപ്പുഴ ശ്രീപ്രിയ ഓഡിറ്റോറിയത്തിലാണ് ആഘോഷ പരിപാടികള്. രാവിലെ 9.30ന് ജയന്തി സമ്മേളനം യോഗക്ഷേമസഭ വനിതാ വിഭാഗം സംസ്ഥാന അദ്ധ്യക്ഷ ഉഷാദേവി പി.നമ്പൂതിരി ഉദ്ഘാടനം ചെയ്യും. ഡോ. അമ്പലപ്പുഴ ഗോപകുമാര് മുഖ്യപ്രഭാഷണവും സ്വാമി അക്ഷയാത്മാനന്ദ അനുഗ്രഹ പ്രഭാഷണവും നടത്തും. ജില്ലാ വൈസ് പ്രസിഡന്റ് ഉണ്ണികൃഷ്ണന് പോറ്റി അദ്ധ്യക്ഷത വഹിക്കും. അമ്പലപ്പുഴ ഉപസഭ പ്രസിഡന്റ് വാസുദേവന് നമ്പൂതിരി സ്വാഗതവും പ്രോഗ്രാം കമ്മറ്റി കണ്വീനര് ഋഷികേശന് നമ്പൂതിരി നന്ദിയും പറയും. അമ്പലപ്പുഴ ക്ഷേത്രം മേല്ശാന്തി കണ്ണമംഗലം കേശവന് നമ്പൂതിരി ഭദ്രദീപ പ്രോജ്വലനം നടത്തും.
11.30ന് ശ്രീശങ്കര ദര്ശനങ്ങളെ ആസ്പദമാക്കി പ്രശ്നോത്തരി, വൈകിട്ട് മൂന്നിന് സാംസ്കാരിക ഘോഷയാത്രയും തുടര്ന്ന് പൊതുസമ്മേളവും നടക്കും. മന്ത്രി വി.എസ്. ശിവകുമാര് ഉദ്ഘാടനം ചെയ്യും. യോഗക്ഷേമ സഭ സംസ്ഥാന അദ്ധ്യക്ഷന് അക്കീരമണ് കാളിദാസ ഭട്ടതിരിപ്പാട് അനുഗ്രഹ പ്രഭാഷണവും ജനറല് സെക്രട്ടറി എസ്. രാധാകൃഷ്ണന് പോറ്റി മുഖ്യപ്രഭാഷണവും നിര്വഹിക്കും. ജില്ലാ പഞ്ചായത്ത് പ്രസിഡന്റ് അഡ്വ. യു. പ്രതിഭാഹരി സമ്മാനദാനം നിര്വഹിക്കും. ജില്ലാ പ്രസിഡന്റ് കെ. ധനഞ്ജയന് നമ്പൂതിരി അദ്ധ്യക്ഷത വഹിക്കും. പത്രസമ്മേളനത്തില് ദേശീയ കോര്ഡിനേറ്റര് ഡോ. ഇ. കൃഷ്ണന് നമ്പൂതിരി, ജില്ലാ സെക്രട്ടറി പി.എന്. കൃഷ്ണന്പോറ്റി എന്നിവര് പങ്കെടുത്തു.
