അമ്പലപ്പുഴ: കരുമാടിയില് പാടത്തിന് തീപിടിച്ചത് നാട്ടുകാരെ പരിഭ്രാന്തിയിലാഴ്ത്തി. ഏപ്രില് 17ന് രാവിലെ പതിനൊന്നരയോടെ ഇടം പാടത്തിലാണ് തീപിടിത്തമുണ്ടായത്. ശക്തമായ കാറ്റിലും ചൂടിലും തീ ആളിപ്പടര്ന്ന് പാടത്തിന് മദ്ധ്യത്തെ വൈദ്യുത പോസ്റ്റിന് തീപിടിച്ചതാണ് നാട്ടുകാരെ പരിഭ്രാന്തരാക്കിയത്. തടി കൊണ്ടുള്ള വൈദ്യുത പോസ്റ്റിന് തീപിടിച്ചതറിഞ്ഞ കെഎസ്ഇബി ജീവനക്കാര് വൈദ്യുതിബന്ധം വിഛേദിച്ചു. അഗ്നിശമന സേനയെത്തിയാണ് തീ നിയന്ത്രണവിധേയമാക്കിയത്. പാടത്തിന് മദ്ധ്യത്തിലൂടെ പോകുന്ന വൈദ്യുതി കമ്പികളില് നിന്നുള്ള ഷോര്ട്ട് സര്ക്യൂട്ടാണ് തീപിടിത്തത്തിന് കാരണമെന്ന് പറയുന്നു.
പാടശേഖരത്തില് തീ പടര്ന്നത് പരിഭ്രാന്തി പരത്തി
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.