ചെങ്ങന്നൂര്: ചെറിയനാട് ദേവസ്വം ബോര്ഡ് സ്കൂളിന് സമീപമുളള റെയില്വെ ഗേറ്റ് കഴിഞ്ഞ ദിവസം രാത്രി ഇടിച്ച് തകര്ത്ത് ട്രാക്കില് കാര് നിര്ത്തിയ സംഭവത്തില് കാര് ഓടിച്ചിരുന്ന മാവേലിക്കര വെട്ടിയാര് കൊയ്പ്പളളില് പുതിയ വീട്ടില് രഘുനാഥക്കുറുപ്പി (45)നെ ചെങ്ങന്നൂര് ആര്പിഎഫ് അറസ്റ്റ് ചെയ്തു. വ്യാഴാഴ്ച രാത്രി ഒന്പതോടെ എറണാകുളം-കൊല്ലം പാസഞ്ചര് കടന്നുവരുമ്പോഴാണ് സംഭവം. ചെറിയനാട് പടിഞ്ഞാറ് ഭാഗത്തുനിന്നും വരികയായിരുന്ന കാര് ലെവല് ക്രോസ് ഇടിച്ച് തകര്ത്ത് ഒന്നാം പാളവും കഴിഞ്ഞ് തീവണ്ടി വരികയായിരുന്ന രണ്ടാം പാളത്തിനു സമീപം എത്തി നില്ക്കുകയായിരുന്നു. കാര് പാളത്തിലേക്ക് കടന്നു വരുന്നതു കണ്ട ലോക്കോ പൈലറ്റ് തീവണ്ടി നിര്ത്തിയതിനാല് ദുരന്തം ഒഴിവായി. രഘുനാഥിനോടൊപ്പം കുടുംബാംഗങ്ങളും ഉണ്ടായിരുന്നു. റെയില്വെ ജീവനക്കാരും നാട്ടുകാരും ചേര്ന്ന് ട്രാക്കില് നിന്ന് കാര് നീക്കിയശേഷമാണ് തീവണ്ടി കടന്നുപോയത്. സംഭവത്തെ തുടര്ന്ന് 15 മിനിട്ടോളം തീവണ്ടി ഗതാഗതം തടസപ്പെട്ടു.
റെയില്വെ ഗേറ്റ് ഇടിച്ചുതകര്ത്ത കാര് ഡ്രൈവര് പിടിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.