മണിമല: സ്വകാര്യവ്യക്തിയുടെ ഉടമസ്ഥതയിലുള്ള സ്ഥലത്തിരുന്ന നാഗരാജാവിഗ്രഹം അയല്വാസി ആറ്റില്കളഞ്ഞതായി പരാതി. മണിമല കാവുംപടിഭാഗം മലമേല് സരോജിനിയും ബന്ധു സന്തോഷുമാണ് മണിമല പോലീസില് ഇതുസംബന്ധിച്ച് പരാതി നല്കിയിരിക്കുന്നത്. മണിമലയാറിനോട് ചേര്ന്നു കിടക്കുന്ന സ്ഥലത്ത് 50 വര്ഷത്തിലധികമായി കിടന്നിരുന്ന നാഗരാജവിഗ്രഹങ്ങളില് ഒരെണ്ണമാണ് കഴിഞ്ഞദിവസം അയല്വാസി ആറ്റില് കളഞ്ഞതായി ചൂണ്ടിക്കാട്ടി പരാതി നല്കിയിരിക്കുന്നത്.
സരോജിനിയുടെ ഉടമസ്ഥതയിലുള്ള സ്ഥലത്തിനോട് ചേര്ന്നുകിടക്കുന്ന അയല്വാസിയുടെവക സ്ഥലം കച്ചവടം ചെയ്യാന് കഴിയില്ലെന്നാരോപിച്ചാണ് വിഗ്രഹം നശിപ്പിച്ചതെന്നും സരോജിനി പറയുന്നു. സരോജിനിയുടെവക സ്ഥലം മുമ്പ് അയല്വാസിക്ക് വിറ്റതുമായി ബന്ധപ്പെട്ട് കേസും നിലനില്ക്കെയാണ് സ്ഥലത്ത് അതിക്രമിച്ച് കയറി മരച്ചുവട്ടിലിരുന്ന വിഗ്രഹം നശിപ്പിച്ചതെന്നും സരോജിനി പറഞ്ഞു. മണിമലയാറിന്റെ തീരത്തെ പുറമ്പോക്ക് ഭൂമിതര്ക്കത്തെ സംബന്ധിച്ച് റവന്യൂവകുപ്പ് സ്ഥലത്തെത്തി അളന്നിട്ടുണ്ടെങ്കിലും ഇതും അവഗണിച്ചാണ് അയല്വാസി സ്ഥലത്ത് കയറിവന്ന് വിഗ്രഹം നശിപ്പിച്ചതെന്നും അവര് പറഞ്ഞു.
