കൊച്ചി: ലോക കാന്സര് ദിനത്തോടനുബന്ധിച്ച് എറണാകുളം കരയോഗത്തിന്റെ ആഭിമുഖ്യത്തില് കാന്സര് ദിനാചരണം നടത്തി. എറണാകുളം ഗവ: ആശുപത്രി കോണ്ഫറന്സ് ഹാളില് നടന്ന ചടങ്ങില് പ്രൊഫ. എം.കെ. സാനുമാസ്റ്റര്, കരയോഗം ജനറല് സെക്രട്ടറി പി. രാമചന്ദ്രന് (വേണു), കെ.പി.കെ. മേനോന് പ്രസിഡന്റ് കെ.എ. മുരളീധരന് വൈസ് പ്രസിഡന്റ് എന്നിവര് ചേര്ന്ന് കരയോഗത്തിന്റെ ധനസഹായവും മരുന്ന് ശേഖരവും ആശുപത്രി സൂപ്രണ്ട് ഡോ. പി.ജി. ആനിക്ക് കൈമാറി.
പ്രൊഫ. കെ. വി. തോമസ് എംപി, പി. രാജീവ് എംപി, എംഎല്എമാരായ ഡൊമനിക് പ്രസന്റേഷന്, ഹൈബി ഈഡന്, ഡോ. സി. കെ. രാമചന്ദ്രന്, കൃഷ്ണയ്യര് മൂവ്മെന്റ് ഭാരവാഹികളായ ഡോ. കെ. ആര്. വിശ്വംഭരന്, ഡോ. എന്. കെ. സനില്കുമാര്, സി. ജി. രാജഗോപാല്, ഗവ: ഹോസ്പിറ്റല് ഡോക്ടര്മാരായ ഡോ. പി. കെ. റഫീക്ക്, ഡോ. ബാലമുരളി, കണ്വീനര് ലിനോ ജേക്കബ് എന്നിവര് ചേര്ന്ന് ഭക്ഷണം വിളമ്പി.
കൊച്ചി റിനൈ മെഡിസിറ്റി മള്ട്ടി സൂപ്പര് സ്പെഷ്യാലിറ്റി ആശുപത്രി യുവജനങ്ങളെ ലക്ഷ്യമാക്കി നാഷണല് യൂണിവേഴ്സിറ്റി ഓഫ് അഡ്വാന്സ്ട് ലീഗല്സ്റ്റഡീസിലെ (നുവാല്) വിദ്യാര്ത്ഥികളുടെ നാളം അസോസിയേഷനുമായി സഹകരിച്ചു ബോധവല്ക്കരണ സെമിനാറും ബൈക്ക് റാലിയും സംഘടിപ്പിച്ചു. റിനൈ മെഡിസിറ്റിയുടെ അര്ബുദ ശസ്ത്രക്രിയാ വിഭാഗം മേധാവിയായി ഡോക്ടര് തോമസ് വറുഗീസ് ബൈക്ക് റാലി ഫഌഗ് ഓഫ് ചെയ്തു. റിനൈ മെഡിസിറ്റി സ്റ്റാഫിനൊപ്പം നൂവാല് വൈസ് ചാന്സലര് പ്രൊഫസര് ഡോ. റോസ് വര്ഗീസ്, യൂണിവേഴ്സിറ്റി രജിസ്ട്രാര് മഹാദേവന് തുടങ്ങിയവര് ചടങ്ങില് സംബന്ധിച്ചു.
എടവനക്കാട് എച്ച്ഐഎച്ച്എസ് സ്ക്കൂളില് ജില്ലാ മെഡിക്കല് ഓഫീസിന്റെ ആഭിമുഖ്യത്തില് ബോധവത്കരണക്ലാസ് നടത്തി. സ്ക്കൂള് ഓഡിറ്റോറിയത്തില് നടന്നചടങ്ങ് ഡെപൃൂട്ടി ജില്ലാ മെഡിക്കല് ഓഫീസര് വിഎസ് ഡാലിയ ഉദ്ഘാടനം ചെയ്തു. സ്ക്കൂള് മാനേജര് അബ്ദുശക്കൂര് അദ്ധ്യക്ഷത വഹിച്ചു.
ജില്ലാ മെഡിക്കല് ഒഫീസ് ടെക്നിക്കല് അസിസ്റ്റന്റ് വിജയകുമാര് ക്യാന്സര് ദിന സന്ദേശം നല്കി. പ്രധാന അദ്ധ്യാപകന് എ. എ. അബ്ദുല് നാസര്, പിടിഎ പ്രസിഡന്റ് വി. എ. അനീസ്, ജൂനിയര് ഹെല്ത്ത്ഇന്സ്പെക്ടര് ടി. കുഞ്ഞുമോന് എന്നിവര് പ്രസംഗിച്ചു. എടവനക്കാട് പ്രാഥമികാരോഗ്യകേന്ദ്രം മെഡിക്കല്ഓഫീസര് ഡോ:ഷാജിയ മാലിക്ക് സ്വാഗതവും ഹെല്ത്ത്ഇന്സ്പെക്ടര് ജെറി ബെനഡിക്ട് നന്ദിയും പറഞ്ഞു.
മരട് നഗരസഭയുടെ ആഭിമുഖ്യത്തില് ബോധവല്ക്കരണ റാലിയും ക്യാമ്പും നടത്തി. രാവിലെ കുണ്ടന്നൂര് ജംഗ്ഷനില് നിന്നും റാലി ആരംഭിച്ചശേഷം ഇ. കെ. നയനാര് ഹാളിലായിരുന്നു ബോധവല്ക്കരണ ക്യാമ്പ്. ക്യാമ്പ് ക്യാന്സര് രോഗചികിത്സാ വിദഗ്ധ ഡോ. ചിത്രധാര ഗംഗാധരന് ഉദ്ഘാടനം ചെയ്തു. നഗരസഭ ചെയര്മാന് അഡ്വ.ടി. കെ. ദേവരാജന് അദ്ധ്യക്ഷത വഹിച്ചു.
നഗരസഭ വൈസ് ചെയര്പേഴ്സണ് അജിത നന്ദകുമാര്, ആന്റണി ആശാംപറമ്പ്, ഗ്രേസി സൈമന്, പി. കെ. രാജു, കെ. ബി.മ ുഹമ്മദ് കുട്ടി, ടി.പി. ആന്റണി, സി. ഇ. വിജയന്, സിബിസേവ്യര്, ജയദേവി മനോഹരന്, നിഷ ഷാജി, സരളകൃഷ്ണന്, ദിഷ പ്രതാപന് എന്നിവര് പ്രസംഗിച്ചു. കുമ്പളം പഞ്ചായത്തിലെ ഫൈന് ആര്ട്സ് സൊസൈറ്റിയുടെ ആഭിമുഖ്യത്തില് ക്യാന്സര് ബോധവല്ക്കരണ ക്യാമ്പ് സംഘടിപ്പിച്ചു. മെഡിട്രീറ്റ് പദ്ധതിയുടെ ഭാഗമായാണ് ക്യാമ്പ് സംഘടിപ്പിച്ചത്.
