കൊച്ചി: പൂര്ണാനദിയുടെ തോണിക്കടവുകളുടെ സൗന്ദര്യവല്ക്കരണത്തോടനുബന്ധിച്ച് പുഴയോര പ്രദേശം അളന്നുതിട്ടപ്പെടുത്താന് കണയന്നൂര് തഹസില്ദാരോട് ജില്ലാ കളക്ടര് എം. ജി. രാജമാണിക്യം നിര്ദ്ദേശിച്ചു. കളക്ടറുടെ നിര്ദ്ദേശത്തെ പൂര്ണാനദീ സംരക്ഷണസമിതി സ്വാഗതം ചെയ്തു. പറയുത്സവനാളില് പൂര്ണത്രയീശന്റെ തോണിയാത്രയെന്ന ആചാരം നടന്നുവരുന്നത് ഇവിടെയാണ്.
ദേശീയ യുവജനദിനത്തില് തോണിക്കടവുകളുടെ സൗന്ദര്യവല്ക്കരണം ആവശ്യപ്പെട്ട് തൃപ്പൂണിത്തുറ നഗരത്തിലെ അയ്യായിരം നദീമിത്ര ബന്ധുക്കളായ വിദ്യാര്ത്ഥികള് ഒപ്പിട്ട നിവേദനം പൂര്ണാ നദീസംരക്ഷണ സമിതി ജില്ലാ കളക്ടര്ക്ക് സമര്പ്പിച്ചിരുന്നു. കടവ് സൗന്ദര്യവല്ക്കരിക്കുവാന് ആവശ്യമായ നടപടിക്രമങ്ങള് ആരംഭിക്കുവാന് മേജര് ഇറിഗേഷന് ഉദ്യോഗസ്ഥരോടും കളക്ടര് നിര്ദ്ദേശിച്ചു.
