ആലപ്പുഴ: കേരളത്തിലെ ഗ്രാമങ്ങളുടെ മുഖഛായ മാറ്റുന്ന കര്മപരിപാടികളാണ് സാന്സദ് ആദര്ശ് ഗ്രാമ യോജനയിലൂടെ നടപ്പാക്കുന്നതെന്ന് കെസി. വേണുഗോപാല് എംപി. പ്രധാനമന്ത്രിയുടെ പ്രത്യേക പദ്ധതിയായ സാന്സദ് ആദര്ശ് ഗ്രാമ യോജന പദ്ധതിയില് ഉള്പ്പെടുത്തി വയലാര് രവി എംപി ആദര്ശ് ഗ്രാമമായി ദത്തെടുത്ത കടക്കരപ്പള്ളി ഗ്രാമപഞ്ചായത്തിലെ ജില്ലാതല മേല്നോട്ടസമിതിയോഗം ഉദ്ഘാടനം ചെയ്യുകയായിരുന്നു അദ്ദേഹം.
വീടുകള് തോറുമുള്ള സര്വേയാണിപ്പോള് നടക്കുന്നത്. അതിനുശേഷം ജില്ലാതല പഠനക്ലാസ് സംഘടിപ്പിക്കും. കേന്ദ്രസര്ക്കാര് പദ്ധതിക്കായി വരുന്ന ബജറ്റില് തുക വകയിരുത്തുമെന്നാണ് പ്രതീക്ഷിക്കുന്നതെന്നും എംപി പറഞ്ഞു. കടക്കരപ്പള്ളി പഞ്ചായത്ത് പ്രസിഡന്റ് കെ.പി. ആഘോഷ്കുമാര് അദ്ധ്യക്ഷത വഹിച്ചു. കളക്ടര് എന്. പത്മകുമാര്, ജില്ലാ പഞ്ചായത്തംഗം കെ.ആര്. രാജേന്ദ്രപ്രസാദ്, ദാരിദ്ര്യലഘൂകരണ വിഭാഗം പ്രോജക്ട് ഡയറക്ടര് കെ. വനജകുമാരി എന്നിവര് പ്രസംഗിച്ചു. ജനപ്രതിനിധികള്, വിവിധ വകുപ്പുകളിലെ ജില്ലാതല ഉദ്യോഗസ്ഥര് എന്നിവര് പങ്കെടുത്തു.
