ചെങ്ങന്നൂര്: പാചകവാതക സിലണ്ടര് ചോര്ന്ന് തീപ്പിടിച്ചെങ്കിലും ചെങ്ങന്നൂര് അഗ്നിശമനസേനയുടെ അവസരോചിതമായ ഇടപെടല് വന് അപകടം ഒഴിവാക്കി. തിരുവല്ല, ഓതറ, കണിച്ചരില് ഫിലിപ്പ് വര്ഗീസിന്റെ വീട്ടിലെ പാചകവാതക സിലണ്ടറാണ് കഴിഞ്ഞദിവസം വൈകിട്ട് ആറരയോടെ ചോര്ച്ച ഉണ്ടായി അപകടഭീഷണി ഉയര്ത്തിയത്. സിലണ്ടറിന്റെ ട്യൂബ് കത്തിയുരുകിയതാണ് ചോര്ച്ചയ്ക്ക് കാരണം.
ഉടന്തന്നെ ഫിലിപ്പ് ചെങ്ങന്നൂര് അഗ്നിശമനസേനയെ വിവരമറിയിക്കുകയും സ്റ്റേഷന് ഓഫീസര് വിനോദ് കുമാറിന്റെ നേതൃത്വത്തിലുളള സംഘം സ്ഥലത്തെത്തി രക്ഷാപ്രവര്ത്തനം ആരംഭിക്കുകയായിരുന്നു. സംഘം ഫയര് എസ്റ്റിങ്യൂഷര് ഉപയോഗിച്ച് തീഅണയ്ക്കുകയും തുടര്ന്ന് സിലണ്ടര് വീടിന് പുറത്തെത്തിച്ച് വെള്ളമൊഴിച്ച് തണുപ്പിക്കുകയും, ഗ്യാസ് മുഴുവന് തുറന്നുവിടുകയുമായിരുന്നു. പ്രസന്നകുമാര്, ലാല്കുമാര്, സുജിത്ത്, ഹരിദാസ്, എന്നിവരും സംഘത്തിലുണ്ടായിരുന്നു.
