പ്രഥമ സര്‍വ്വ ശ്രേഷ്ഠ പുരസ്‌കാരം സ്വാമി ഗുരുരത്‌നം ജ്ഞാന തപസ്വിയ്‌ക്ക് എ.എം രാധാകൃഷ്ണന്‍ സമര്‍പ്പിക്കുന്നു
ചേര്‍ത്തല: പടിഞ്ഞാറേ കൊട്ടാരം ഭക്തജന സമിതി ഏര്‍പ്പെടുത്തിയ പ്രഥമ സര്‍വ്വ ശ്രേഷ്ഠ പുരസ്‌കാരം ശാന്തിഗിരി ആശ്രമം ഓര്‍ഗനൈസിങ് സെക്രട്ടറി സ്വാമി ഗുരുരത്‌നം ജ്ഞാന തപസ്വിയ്‌ക്ക് സമര്‍പ്പിച്ചു. ആത്മീയ സാമൂഹിക സാംസ്‌കാരിക ജീവ കാരുണ്യ മേഖലകളിലെ പ്രവര്‍ത്തന മികവിന് ഈ വര്‍ഷം മുതല്‍ ഏര്‍പ്പെടുത്തിയതാണ് പുരസ്‌കാരം. ഭരണി മഹോത്സവത്തോട് അനുബന്ധിച്ച് നടന്ന ചടങ്ങില്‍ ബിജെപി സംസ്ഥാന ജനറല്‍ സെക്രട്ടറി എ.എം രാധാകൃഷ്ണന്‍ പുരസ്‌കാര സമര്‍പ്പണം നടത്തി.
യു ട്യൂബിലൂടെ ജൂനിയര്‍ ലതാ മങ്കേഷ്‌കര്‍ കുമാരി പള്ളിപ്പുറം ജയലക്ഷ്മിയെ സ്വാമി പൊന്നാട അണിയിച്ച് ആദരിച്ചു. എസ്എസ്എല്‍സി, പ്ലസ് ടു പരീക്ഷകളില്‍ ഏറ്റവും കൂടുതല്‍ മാര്‍ക്ക് വാങ്ങി വിജയിച്ച വിദ്യാര്‍ത്ഥികള്‍ക്കുള്ള എന്‍ഡോവ്‌മെന്റും ചടങ്ങില്‍ സ്വാമി വിതരണം ചെയ്തു. ബിജെപി ജില്ലാ പ്രസിഡന്റ് വെള്ളിയാകുളം പരമേശ്വരന്‍, ദേവസ്വം പ്രസിഡന്റ് എന്‍. ഗോപാലകൃഷ്ണന്‍ നായര്‍, മോഹനന്‍ നായര്‍, എസ്. ശ്രീകുമാര്‍, പി.പി. കര്‍ത്താ തുടങ്ങിയവര്‍ സംസാരിച്ചു.
