ഇരിങ്ങാലക്കുട: ലോകം തന്നെ അമ്മമാരിലാണെന്നും അമ്മമാരെ ആദരിക്കലാണ് ദേവീ ഭാഗവത നവാഹയജ്ഞങ്ങളുടെ സന്ദേശമെന്നും സ്വാമി സുനില്ദാസ്. അരിപ്പാലം ഭൂവനേശ്വരി ക്ഷേത്രത്തില് നടക്കുന്ന ദേവീ ഭാഗവത നവാഹയജ്ഞത്തിന്റെ ഭാഗമായുളള വിചാരസത്രം ആറാം ദിവസത്തില് മുഖ്യ പ്രഭാഷണം നടത്തുകയായിരുന്നു അദ്ദേഹം.
അമ്മമാരിലുളള സകല ജ്ഞാനങ്ങളും അവര് പുതു തലമുറയിലെ കുട്ടികള്ക്ക് പകര്ന്ന് നല്കാന് തയ്യാറാകണം, ഭവനങ്ങളില് സന്ധ്യാനേരങ്ങളിലുണ്ടായിരുന്ന പ്രാര്ത്ഥനകളൊന്നും ഇപ്പോള് കാണുന്നില്ല, കുട്ടികള് കമ്പ്യൂട്ടറുകള്ക്കും ടാബുകള്ക്കും പിന്നാലെ പോയി ചതിക്കുഴികളില് വീഴാതിരിക്കാന് കുട്ടികളെ പ്രാര്ത്ഥനകള് പഠിപ്പിക്കണമെന്നും സ്വാമി പറഞ്ഞു. കെ.പി.എം.എസ് സംസ്ഥാന ജനറല് സെക്രട്ടറി ടി.വി ബാബു വിചാരസത്രം ഉദ്ഘാടനം ചെയ്തു. നേതാവിനെ തള്ളിപ്പറയാതെ ഒരുമിച്ചുനിന്നാല് കേരളം ആരു ഭരിക്കണമെന്ന് തീരുമാനിക്കാനുള്ള ശക്തിയായി എസ്.എന്.ഡി.പി ക്ക് മാറാനാകുമെന്ന് അദ്ദേഹം പറഞ്ഞു. ഗുരുധര്മ്മ പ്രചാരകന് കല്ലിങ്ങപ്പുറം നാരായണനെയും ഭക്തഗാനലാപകന് ജയവിജയനെയും ചടങ്ങില് ആദരിച്ചു.
എസ്.എന്.ബി.പി സമാജം വൈസ് പ്രസിഡണ്ട് കെ.കെ സുരേന്രനാഥ് അദ്യക്ഷനായി. എസ്.എന്.ഡി.പി.യോഗം അസി. സെക്രട്ടറി കെ.കെ ബിനു, നന്ദനന് കല്ലറയ്ക്കല്, ടി.ബി രഘു ബാലകൃഷ്ണന് വൈദ്യര്, പി.സി വേലായുധന്, ക്ഷേത്രം മേല്ശാന്തി പടിയൂര് വിനോദ് എന്നിവരും പ്രസംഗിച്ചു. ഏഴാം ദിവസമായ ഇന്ന് ഭൂഗോളവര്ണ്ണനം, പഞ്ചപ്രകൃതി, ഗംഗോത്പത്തി എന്നീ അവതരണങ്ങള് നടക്കും.
വൈകീട്ട് 4ന് വിചാരസത്രത്തില് ബിജെപി ദേശീയ എക്സിക്യൂട്ടീവ് അംഗം ശോഭ സുരേന്ദ്രന് മുഖ്യ പ്രഭാഷണം നടത്തും.
