വൈക്കം: കൊപ്രമില്ലിന് തീപിടിച്ചത് തോട്ടുവക്കം മേഖലയിലെ ജനങ്ങളെ ഭീതിയിലാക്കി ഇന്നലെ പുലര്‍ച്ചെ നാലിനായിരുന്നു തീപിടുത്തം. തോട്ടുവക്കം പടിഞ്ഞാറെ പാലത്തിനോട് ചേര്‍ന്ന് പ്രവര്‍ത്തിക്കുന്ന വട്ടത്തറ തോമസിന്റെ ക്രൊപ്രമില്ലും പൊടിമില്ലും പ്രവര്‍ത്തിക്കുന്ന കെട്ടിടത്തിനാണ് തീപിടുത്തം ഉണ്ടായത്. കെട്ടിടത്തോട് ചേര്‍ന്ന് നിരവധി വീടുകളുമുള്ളതാണ് ജനങ്ങളെ ഭീതിയിലാക്കിയത്. കെട്ടിടത്തിനുള്ളിലുണ്ടായിരുന്ന രണ്ട് ഗ്യാസ് സിലണ്ടറില്‍ ഒരണ്ണം പൊട്ടിത്തെറിച്ച് തീഗോളമായി ഉയര്‍ന്നു. 20 മീറ്ററോളം ഉയരത്തില്‍ അഗ്നിജ്വാലകള്‍ ഉയര്‍ന്നു. സിലിണ്ടറിന്റെ ഒരു ഭാഗം 35 മീറ്റര്‍ ആകലെയുള്ള കാട്ടരിക്കല്‍ മോഹന്‍ ദാസിന്റെ വീടിനുമേലെ ചെന്ന് പതിച്ചു. മോഹന്‍ ദാസിന്റെ വീടിനുള്ളിലുണ്ടായിരുന്ന രണ്ട് പുല്‍പ്പായകള്‍ കത്തിനശിച്ചു.
കടുത്തുരുത്തിയില്‍ നിന്നെത്തിയ രണ്ട് യൂണിറ്റ് ഫയര്‍ ഫോഴ്‌സ് സംഘം അരമണിക്കൂര്‍കൊണ്ട് തീ അണയ്‌ക്കാന്‍ കഴിഞ്ഞത്. കൂടുതല്‍ അപകടങ്ങള്‍ ഉണ്ടാകാതിരുന്നത് കെട്ടിടത്തിനുള്ളിലുണ്ടായിരുന്ന രണ്ടാമത്തെ സിലിണ്ടറിനും തീപിടിച്ചു. സിലണ്ടര്‍ സമീപമുള്ള കെ.വി. കനാലിലെ വെള്ളത്തിലേക്ക് എറിഞ്ഞതുകൊണ്ട് വലിയൊരു ദുരന്തം ഒഴിവായി. സമീപത്തെ വീടുകള്‍ക്കും ചെറിയ തോതില്‍ നാശനഷ്ടമുണ്ടായി.
