കൊച്ചി: പച്ചാളത്തെ യഥാര്ത്ഥ പാലം അട്ടിമറിച്ച് പുതിയ പാലം നിര്മ്മിക്കാനുള്ള നീക്കം ഉപേക്ഷിക്കണമെന്ന് വിശ്വഹിന്ദുപരിഷത്ത് വിഭാഗ് സെക്രട്ടറി എന്. ആര്. സുധാകരന്. സിഡ്കോ പദ്ധതിപ്രകാരം 16 ഓളം വീട്ടുകാരെ മാത്രം ബാധിക്കുന്ന പദ്ധതി ചാത്ത്യാത്ത് പള്ളി വക സ്ഥലം നഷ്ടപ്പെടും എന്ന കാരണത്താല് എംപിയും എംഎല്എയും മേയറും ചേര്ന്ന് അട്ടിമറിച്ചുകൊണ്ട് കാട്ടുങ്കല് ക്ഷേത്രത്തിന്റെ ചൈതന്യം നഷ്ടപ്പെടുന്ന വിധത്തില് 480 ഓളം കുടുംബങ്ങളെ വഴിയാധാരമാക്കിക്കൊണ്ട് പുനര്നിര്ണ്ണയിച്ചതിന്റെ പുറകില് കോടിക്കണക്കിന് രൂപയുടെ അഴിമതിയുണ്ട്.
യഥാര്ത്ഥ രേഖയില്ലാതെ നടത്തുന്ന പാലത്തിന്റെ നിര്മ്മാണം ഒരു കാരണവശാലും അനുവദിക്കാനാവില്ല. യഥാര്ത്ഥത്തില് ഈ പാലം പ്രയോജനകരമാകണമെങ്കില് 22 മീറ്റര് വീതിയും അതിനനുസരിച്ചുള്ള അപ്രോച്ച്റോഡും ആവശ്യമാണെന്നിരിക്കെ ഇതൊന്നുമില്ലാതെ വികസനത്തെ തുരങ്കം വെക്കുന്ന രീതിയില് അശാസ്ത്രീയമായി നിര്മ്മിക്കുന്ന പുതിയ പാലം ജനങ്ങളെ വീണ്ടും ദുരിതത്തിലേക്ക് തള്ളിവിടുമെന്നതുകൊണ്ട് സിഡ്കോ വിഭാവനം ചെയ്ത രീതിയില് പാലത്തിന്റെ നിര്മ്മാണം ആരംഭിക്കുന്നതിന് അധികൃതര് തയ്യാറാകണമെന്ന് അദ്ദേഹം ആവശ്യപ്പെട്ടു.
