കൊച്ചി: ജനകീയ പ്രതിഷേധത്തെ തുടര്‍ന്ന് നിര്‍ത്തിവെച്ച പച്ചാളം മേല്‍പാലത്തിന്റെ നിര്‍മ്മാണ പ്രവര്‍ത്തനം പുനരാരംഭിക്കാന്‍ ശ്രമിച്ചത് സംഘര്‍ഷങ്ങള്‍ക്ക് ഇടയാക്കി. ഇന്നലെ രാവിലെ ഡിഎംആര്‍സിയുടെ നേതൃത്വത്തില്‍ പോലീസ് സംരക്ഷണത്തോടെ പണികള്‍ പുനരാരംഭിച്ചതാണ് പ്രതിഷേധങ്ങള്‍ക്ക് കാരണമായത്. രാവിലെ 8.30ഓടെ പച്ചാളം കാട്ടുങ്കല്‍ ക്ഷേത്രത്തിന് മുന്‍പില്‍ എത്തിയ സംഘത്തെ ജനകീയ സമര സമതിയും ആര്‍എസ്എസ് ബിജെപി പ്രവര്‍ത്തകര്‍ തടഞ്ഞു. കൈകുഞ്ഞുങ്ങളുമായി എത്തിയ അമ്മമാരടക്കം നൂറോളം പേരാണ് പ്രതിഷേധവുമായി എത്തിയത്. പ്രതിഷേധം ശക്തമായതിനെ തുടര്‍ന്ന് സമരസമതി പ്രവര്‍ത്തകരെ പോലീസ് അറസ്റ്റ് ചെയ്തു.
യഥാര്‍ത്ഥ മേല്‍പാലം അട്ടിമറിച്ച് നൂറുകണക്കിന് കുടുംബങ്ങളെ കുടിയൊഴിപിച്ചുകൊണ്ടുള്ള അശാസ്ത്രീയമായി പാലം നിര്‍മ്മിക്കാന്‍ അനുവദിക്കുകയില്ലന്നും എന്ത് വില കൊടുത്തു എതിര്‍ക്കുമെന്ന് പറഞ്ഞതോടെ കൂടുതല്‍ സംഘര്‍ഷമാകുകയായിരുന്നു. നിരവധിപേര്‍ സമരത്തിന് ഐക്യദാഢ്യം പ്രഖ്യാപിച്ച് എത്തിയതോടെ പോലീസ് ഉന്നതരുമായി ചര്‍ച്ചയ്‌ക്ക് തയ്യാറാകുകയായിരുന്നു. എറണാകുളം തഹസില്‍ദാര്‍ ജോര്‍ജിന്റെ നേതൃത്വത്തില്‍ ഉദ്യോഗസ്ഥരും ജനകീയ സമര സമതി പ്രവര്‍ത്തകരുമായി കളക്ടര്‍ ചര്‍ച്ച നടത്തിയെങ്കിലും വിജയിച്ചില്ല.
പ്രതിഷേധം വ്യാപകമാകുമെന്ന് ഉറപ്പായതോടെ പോലീസ് പ്രവര്‍ത്തകരെ അറസ്റ്റ് ചെയ്ത് നീക്കി. സമരം കൂടുതല്‍ ശക്തമാക്കാന്‍ തീരുമാനിച്ചതായി ജനകീയസമരസമതി ജനറല്‍ കണ്‍വീനറും ബിജെപി മണ്ഡലം സെക്രട്ടറിയുമായ അബിജു സുരേഷ് പറഞ്ഞു. എന്നാല്‍ വൈകിട്ടോടെ പച്ചാളത്ത് നിര്‍മ്മിക്കുന്ന റെയില്‍വേ മേല്‍പ്പാലത്തിനായി കാട്ടുങ്കല്‍ ക്ഷേത്രത്തിന്റെ ഭൂമി ഏറ്റെടുക്കില്ലെന്ന് ജില്ലാ കളക്ടര്‍ എം. ജി. രാജമാണിക്യം വ്യക്തമാക്കി. നിലവില്‍ തുടരുന്നു നിര്‍മാണപ്രവര്‍ത്തനം തുടരുമെന്നറിയിച്ച കളക്ടര്‍ തിങ്കളാഴ്ച വീണ്ടും സമരസമിതിയുമായി ചര്‍ച്ച നടത്താന്‍ തീരുമാനിച്ചിട്ടുണ്ട്.
പ്രതിഷേധ സമരത്തിന് ആര്‍എസ്എസ് കൊച്ചിമഹാനഗര്‍കാര്യവാഹ് രാജേഷ് ചന്ദ്രന്‍, മണ്ഡല്‍ കാര്യവാഹ് പി.കെ ദിനില്‍, പ്രദീപ്, ബാബുപച്ചാളം, ബിജെപി ജില്ലാ വൈസ്പ്രസിഡന്റ് എന്‍.സജികുമാര്‍, സംസ്ഥാനസമതി അംഗം അഡ്വ: പി.കൃഷ്ണദാസ്,കര്‍ഷകമോര്‍ച്ച സംസ്ഥാന സെക്രട്ടറി ബാലചന്ദ്രന്‍, ഏരിയ പ്രസിഡന്റ് അശോകന്‍ അയ്യപ്പന്‍കാവ്, അനില്‍ വടുതല, മണ്ഡലം പ്രസിഡന്റ് കെഎസ് .സുരേഷ്‌കുമാര്‍, വൈസ്പ്രസിഡന്റ് ദിലീപ്കുമാര്‍, ക്യാപ്പറ്റന്‍ സുന്ദരം, അഡ്വ; പ്രദീപ് വിശ്വനാഥ്, വിവേക് അയ്യപ്പന്‍കാവ്,സമരസമിതി നേതാക്കളായ ജോസിമാത്യു, കെ.ആര്‍.രമേഷ്, സരിതസന്തോഷ്, ഹേമസുധീര്‍, കാട്ടുങ്കല്‍ ക്ഷേത്രഭാരവാഹികളായ പ്രദീപ് വിശ്വേഷ്, ഭാനുപ്രകാശ്, സുധീര്‍ ,ജൂസ് ബിജു,അനില്‍,ജോണി,പോള്‍,സണ്ണിആനലോനില്‍,സേവ്യര്‍,ഫെലിക്‌സ് പൂലൂടാന്‍,ബാബു ഈരത്തറ എന്നിനവര്‍ പ്രതിഷേധ സമരത്തിന് നേതൃത്വ നല്‍കി.തുടങ്ങി വിവിധ സംഘടനാ ഭാരവാഹികള്‍ നേതൃത്വം നല്‍കി.
