ചവറ: സിഗ്നല് ലൈറ്റിനു സമീപത്തെ ബസ് സ്റ്റോപ്പ് അപകട ഭീഷണിയാകുന്നു. കെഎംഎംഎല് കമ്പനിക്കു മുന്നിലെ സിഗ്നല് ലൈറ്റിനു സമീപം ഉള്ള ബസ് സ്റ്റോപ്പാണ് മറ്റ് വാഹന യാത്രക്കാര്ക്ക് അപകടം ഉണ്ടാക്കുന്ന തരത്തില് സ്ഥാപിച്ചിരിക്കുന്നത്.
കൊല്ലത്ത് നിന്നും കരുനാഗപ്പളളി ഭാഗത്തേക്കു വരുന്ന കെഎസ്ആര്ടിസി ബസുകള് കാത്തിരിപ്പ് കേന്ദ്രത്തിനു മുന്നില് പെട്ടെന്ന് നിര്ത്തി യാത്രക്കാരെ ഇറക്കിയും കയറ്റുകയും ചെയ്യുന്നതു കാരണം പിന്നാലെ വരുന്ന വാഹനങ്ങള്ക്ക് സിഗ്നല് ലൈറ്റ് കടക്കാന് ബുദ്ധിമുട്ട് ഉണ്ടാകുകയും ഇത് അപകടങ്ങള്ക്ക് കാരണമാവുകയും ചെയ്യുന്നു.
മാത്രവുമല്ല പിന്നാലെ വരുന്ന വാഹനങ്ങള് അപകടം ഒഴിവാക്കാനായി വലതുവശത്തേക്ക് പെട്ടെന്നു തിരിയുമ്പോള് കരുനാഗപ്പളളിയില് നിന്നും കൊല്ലത്തേക്കു പോകാനായി സിഗ്നല് കാത്ത് കിടക്കുന്ന വാഹനങ്ങളില് ഇടിച്ച് അപകടം ഉണ്ടാകുന്നത് പതിവാകുന്നു.
നിരവധി പരാതികളും പ്രതിഷേധവും ഉണ്ടായിട്ടും ബന്ധപ്പെട്ട ആധികൃതര് അപകട ഭീഷണിയായ കാത്തിരിപ്പ് കേന്ദ്രം മാറ്റിസ്ഥാപിക്കാന് തയ്യാറാകുന്നില്ല.
അപകടം ഒഴിവാക്കാന് വേണ്ട നടപടി സ്വീകരിക്കണമെന്ന അവശ്യം ജനങ്ങള്ക്കിടയില് ശക്തമാകുന്നു.
