സംസ്ഥാന സിബിഎസ്ഇ സ്‌കൂള്‍ കായികമേള ഇന്നാരംഭിക്കും

കോട്ടയം: സിബിഎസ്ഇ സംസ്ഥാന സ്‌കൂള്‍ കായികമേള ഇന്ന് വൈകിട്ട് 4ന് മരങ്ങാട്ടുപിള്ളി ലേബര്‍ ഇന്ത്യാ പബ്ലിക് സ്‌കൂള്‍ സ്റ്റേഡിയത്തില്‍ മന്ത്രി തിരുവഞ്ചൂര്‍ രാധാകൃഷ്ണന്‍ ഉദ്ഘാടനം ചെയ്യുമെന്ന് സംഘാടകര്‍ പത്രസമ്മേളനത്തില്‍ അറിയിച്ചു. മോന്‍സ് ജോസഫ് എംഎല്‍എ അദ്ധ്യക്ഷത വഹിക്കും. ബിജു പുന്നത്താനം, ബെല്‍ജി ഇമ്മാനുവല്‍ തുടങ്ങിയവര്‍ ആശംസകള്‍ അര്‍പ്പിക്കും. 1,300 സ്‌കൂളുകളെ പ്രതിനിധീകരിച്ച് 3,000ല്‍പരം കായികപ്രതിഭകള്‍ 13, 14, 15 തീയതികളിലായി നടക്കുന്ന കായികമേളയില്‍ മാറ്റുരയ്‌ക്കും. മൂന്നുദിവസം നീളുന്ന കായികമേളയില്‍ ആറു വിഭാഗങ്ങളിലായി 68ഇനം മത്സരങ്ങള്‍ നടക്കും. 14, 16, 19 വയസില്‍ താഴെയുള്ള ആണ്‍കുട്ടികല്‍ക്കും പെണ്‍കുട്ടികള്‍ക്കും പ്രത്യേകം മത്സരങ്ങളുണ്ടാകും. സിബിഎസ്ഇയുടെ ക്ലസ്റ്റര്‍ ആറില്‍ ആണഅ കേരളത്തില്‍ നിന്നുള്ള സ്‌കൂളുകളെ ഉള്‍പ്പെടുത്തിയരിക്കുന്നത്. ഈ കായികമേളയില്‍ ആദ്യ രണ്ടു സ്ഥാനങ്ങള്‍ നേടുന്നവര്‍ഗുജറാത്തിലെ ഡിവൈന്‍ ചൈല്‍ഡ് സ്‌കൂളില്‍ നടക്കുന്ന ദേശീയ സിബിഎസ്ഇ കായികമേളയില്‍ പങ്കെടുക്കാന്‍ യോഗ്യതനേടും. കൂടാതെ ദേശീയ സിബിഎസ്ഇ കായികമേളയില്‍ വിജയിക്കുന്നവര്‍ക്ക് നാഷണല്‍ സ്‌കൂള്‍ ഗെയിംസിലും ഏഷ്യല്‍ സ്‌കൂള്‍ ഗെയിംസിലും പങ്കെടുക്കാനുള്ള അവസരം ലഭിക്കും. 400 മീറ്റര്‍, 200 മീറ്റര്‍ ട്രാക്കുകളോടുകൂടിയ രണ്ടു മൈതാനങ്ങളാണ് ലേബര്‍ ഇന്ത്യാ പബ്ലിക് സ്‌കൂളില്‍ ഒരുക്കിയിരിക്കുന്നത്. കൗയിക മേളയുടെ സുഗമമായ നടത്തിപ്പിലേക്കായി ലേബര്‍ ഇന്ത്യാ ചെയര്‍മാന്‍ ജോര്‍ജ് കുളങ്ങര മുഖ്യരക്ഷാധികാരിയും പ്രിന്‍സിപ്പല്‍ സുജാ കെ. ജോര്‍ജ് ജനറല്‍ കണ്‍വീനറും ഡോ. ജിജി മുഹമ്മദ്, ഐവി. ജനാര്‍ദധന്‍, വി.പി. ജോസഫ്, ബേബി ജോസഫ് തുടങ്ങിയവര്‍ കണ്‍വീനര്‍മാരായും സ്വാഗതസംഘം രൂപീകരിച്ചു. ജനറല്‍ കണ്‍വീനര്‍ സുജ കെ. ജോര്‍ജ്ജ്, ബിനു, ശ്രീജിത്ത് തുടങ്ങിയവര്‍ പത്രസമ്മേളനത്തില്‍ പങ്കെടുത്തു.